રણવીર સિંહ પરના અસહકારના આદેશ પર કંગના રનૌતનો મોટો ખુલાસો, પોતાના પ્રતિબંધોને યાદ કરી કહી આ વાત- જુઓ Video

બોલિવૂડ અભિનેત્રી અને સાંસદ કંગના રનૌતે ફરહાન અખ્તરની આગામી ફિલ્મ ‘ડૉન 3’ માંથી રણવીર સિંહના અચાનક બહાર નીકળવા અને ત્યારબાદ ફેડરેશન ઓફ વેસ્ટર્ન ઈન્ડિયા સિને એમ્પ્લોઈઝ (FWICE) દ્વારા તેના પર મૂકવામાં આવેલા અસહકારના નોટિસ પર પોતાનું મહત્વનું નિવેદન આપ્યું છે. મુંબઈમાં ક્રાઈમ થ્રિલર ફિલ્મ ‘ભારત ભાગ્ય વિધાતા’ ના ટ્રેલર લોન્ચ દરમિયાન કંગનાએ આ મુદ્દે ખુલીને વાત કરી હતી.

કંગનાએ રણવીર સિંહનો પક્ષ લેતા કહ્યું કે, “મારા પર પણ ઘણી વખત પ્રતિબંધો મૂકવામાં આવ્યા છે. જ્યારે કોઈ વ્યક્તિ પોતાના કરિયરમાં સફળતા મેળવે છે, ત્યારે તેણે આવી અડચણોનો સામનો કરવો જ પડે છે. રણવીર સિંહે ખુશ થવું જોઈએ કે તે પોતાના માટે સારું કામ કરી રહ્યો છે.” તેમણે ઉમેર્યું કે જ્યારે તમે પ્રગતિ કરો છો ત્યારે રસ્તામાં અવરોધો આવે છે, પરંતુ અંતે બધું ઠીક થઈ જાય છે.

શું છે સમગ્ર વિવાદ?

ગયા અઠવાડિયે, FWICE એ તેના સભ્યોને રણવીર સિંહ સાથે સહકાર ન આપવાનો આદેશ આપ્યો હતો. આ વિવાદ ત્યારે શરૂ થયો જ્યારે રણવીર સિંહે શૂટિંગ શરૂ થવાના થોડા અઠવાડિયા પહેલા જ ફરહાન અખ્તર અને રિતેશ સિધવાનીની ફિલ્મ ‘ડૉન 3’ છોડવાનો નિર્ણય કર્યો. આ બદલાવના કારણે એક્સેલ એન્ટરટેઈનમેન્ટે રણવીર સિંહ પાસે 45 કરોડ રૂપિયાના નુકસાનીની માંગણી કરી છે, જ્યારે રણવીરના પ્રતિનિધિઓનું કહેવું છે કે આ બાબતમાં FWICE ની કોઈ સત્તા નથી.

કંગનાની આગામી ફિલ્મ

બીજી તરફ, કંગના રનૌતની આગામી ફિલ્મ ‘ભારત ભાગ્ય વિધાતા’ મુંબઈમાં થયેલા 26/11 ના આતંકી હુમલા પર આધારિત છે. આ ફિલ્મમાં કામા હોસ્પિટલની એ નર્સોની વાર્તા દર્શાવવામાં આવી છે જેમણે મુશ્કેલ સમયમાં પણ પોતાની ફરજ બજાવીને 400 થી વધુ લોકોના જીવ બચાવ્યા હતા. મણિકર્ણિકા ફિલ્મ્સ દ્વારા સહ-નિર્મિત આ ફિલ્મ 12 જૂનના રોજ સિનેમાઘરોમાં રિલીઝ થવાની છે.

દુનિયાના આ 5 દેશોમાં હિન્દુ દેવી-દેવતાઓની પૂજા પદ્ધતિ જોઈને તમે પણ આશ્ચર્યચકિત થઈ જશો