Attack on Sonu nigam : સોનુ નિગમ સાથે MLAના પુત્રએ કરી ઝપાઝપી, ઉદ્ધવ જૂથના ધારાસભ્યના પુત્ર સામે કેસ કર્યો દાખલ

Attack on Sonu nigam : બોલિવૂડ ગાયક સોનુ નિગમે મુંબઇમાં એક ઘટના બાદ સેલ્ફી વિવાદમાં કેસ દાખલ કર્યો છે. તે કોન્સર્ટ માટે ચેંબુર વિસ્તારમાં હતો, જ્યાં તે ઘટના પછી બહાર આવી રહ્યો હતો, જ્યારે એક વ્યક્તિ સેલ્ફી માટે બહાર આવ્યો, અને તેણે ધક્કામુક્કી કરી. આ સમય દરમિયાન સોનુ નિગમના બોડીગાર્ડે તેને બચાવવાનો પ્રયાસ કર્યો અને તે વ્યક્તિએ તેના પર કથિત રૂપથી હુમલો કર્યો. એફઆઈઆર પછી ગાયકે મીડિયા સાથે વાત કરી અને આખી ઘટના વર્ણવી.

આ પણ વાંચો : મુંબઈમાં લાઈવ શો દરમિયાન સિંગર સોનૂ નિગમ પર કેટલાક લોકોએ કર્યો હુમલો, VIDEO થયો વાયરલ

સિંગર ઇજાઓ બાદ હોસ્પિટલમાં દાખલ

પ્રખ્યાત સિંગરે પોલીસને ફરિયાદ બાદ કહ્યું કે, કોન્સર્ટ પછી હું સ્ટેજ પરથી નીચે આવી રહ્યો હતો કે એક વ્યક્તિ સ્વપ્નિલ પ્રકાશ ફટરપેકરે મને પકડ્યો. પછી તેણે હરિ અને રબ્બાનીને ધક્કો માર્યો કે જે મને બચાવવા માટે આવ્યા હતા. પછી હું સીડી પર પડ્યો. મેં ફરિયાદ નોંધાવી છે, જેથી લોકો બળજબરીથી સેલ્ફી લેવા અને ઝપાઝપી કરવા વિશે ન વિચારે. જો કે, અગાઉ એવો અહેવાલ આપવામાં આવ્યો હતો કે સોનુ નિગમને ઇજાઓ બાદ હોસ્પિટલમાં દાખલ કરવામાં આવ્યા છે. જ્યારે તેણે કહ્યું કે તે ઠીક છે.

After the concert, I was coming down from stage when a man Swapnil Prakash Phaterpekar held me. Then he pushed Hari & Rabbani who came to save me. Then I fell on steps. I filed a complaint so that people should think about forcefully taking selfies & causing scuffle: Sonu Nigam https://t.co/RVFONXeQ79 pic.twitter.com/JxtfCVIaQj

— ANI (@ANI) February 20, 2023

સોનુ નિગમે પોલીસને કરી હતી ફરિયાદ

આ ઘટના પછી મુંબઈ પોલીસે જણાવ્યું હતું કે, “ચેંબુરમાં એક ઘટના દરમિયાન કેટલાક લોકો સોનુ નિગમ સાથે સેલ્ફી લેવાનો પ્રયાસ કરી રહ્યા હતા, જ્યારે ઝઘડો થયો હતો. આ ઘટના દરમિયાન, ગાયક સાથે બે લોકો પડી ગયા હતા, એકને સામાન્ય ઈજાઓ પહોંચી. બાદમાં સોનુ નિગમ ચેંબુર પોલીસ સ્ટેશન પહોંચ્યો, જ્યાં તેણે ઈવેન્ટ દરમિયાન શું થયું હતું તે ઘટના અંગે ફરિયાદ કરી હતી.

MLA પ્રકાશ ફટેરપેકરના પુત્ર સ્વપ્નિલ ફટેરપેકર સામે નોંધાયો કેસ

આ ઘટના પછી મોડી રાત્રે સોનુ નિગમ ફરિયાદ કરવા ચેમ્બુર પોલીસ સ્ટેશન પહોંચ્યા. તે પછી ધારાસભ્ય પ્રકાશ ફટેરપેકર પણ પોલીસ સ્ટેશન પહોંચ્યા. પોલીસે સોનુ નિગમની ફરિયાદના આધારે ઉદ્ધવ ઠાકરે જૂથના MLA પ્રકાશ ફટેરપેકરના પુત્ર સ્વપ્નિલ ફટેરપેકર સામે કેસ નોંધ્યો છે. પોલીસે IPCની કલમ 341, 323, 337 હેઠળ કેસ નોંધાવ્યો છે અને આ મામલે વધુ તપાસ કરવામાં આવી રહી છે.

Mumbai: After live concert, Sonu Nigam was coming down from stage when a man held him. After objection he pushed Sonu Nigam & two other men with him from the steps, one of those two men sustained injuries. Accused’s name is Swapnil Phaterpekar: Hemrajsingh Rajput, DCP, Zone 6 pic.twitter.com/Vgly9JzGDO

— ANI (@ANI) February 20, 2023