અનન્યા તેના ‘ટેલેન્ટ’ના કારણે ફરીથી થઈ ટ્રોલ, વીડિયો થઈ રહ્યો છે વાયરલ

બોલિવૂડ એક્ટ્રેસ અનન્યા પાંડે (Ananya Panday) આ દિવસોમાં પોતાની પેન ઈન્ડિયા ફિલ્મ ‘લાઈગર’ને (Liger) લઈને ચર્ચામાં છે. આ ફિલ્મમાં તે સાઉથ સ્ટાર વિજય દેવેરકોંડા સાથે જોવા મળશે. હાલમાં જ ફિલ્મના ટ્રેલર રિલીઝ દરમિયાન એક ઈવેન્ટનું આયોજન કરવામાં આવ્યું હતું. હવે આ ઇવેન્ટનો અનન્યા પાંડેનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે અને લોકો તેને જોરદાર ટ્રોલ કરી રહ્યા છે. સોશિયલ મીડિયા પર વાયરલ થઈ રહેલા આ વીડિયોમાં અનન્યા પાંડેને એક શોમાં તેની જીભ વડે નાકને ટચ કરવાના ટેલેન્ટ વિશે સવાલ કરવામાં આવે છે.

રિપોર્ટરે અનન્યાને પૂછ્યું કે તમારા પાસે ઘણાં પ્રકારના ટેલેન્ટ છે. તે ખૂબ જ વાયરલ થયું હતું કે તમે તમારી જીભથી તમારા નાકને ટચ કરી શકો છો. શું તમે આ દિવસોમાં કોઈ નવું ટેલેન્ટ શીખ્યું છે, તો તેના વિશે વાત કરો. આના જવાબમાં અનન્યા કહે છે કે ના અત્યારે તો આટલું જ ટેલેન્ટ છે. જો કંઈ નવું આવશે, તો હું તમને કહીશ. આ સિવાય વિજય વિશે પૂછવામાં આવેલા સવાલ પર તે કહે છે કે વિજય ખૂબ જ હોટ છે અને આવું કહેવાવાળી હું એકલી નથી.

આ પણ વાંચો

View this post on Instagram

A post shared by Viral Bhayani (@viralbhayani)

અનન્યા પાંડે હવે ફરી એકવાર તેના આ વીડિયોના કારણે ટ્રોલના નિશાના પર આવી છે. લોકો અલગ-અલગ કોમેન્ટ કરીને તેને ટ્રોલ કરી રહ્યા છે. એક યુઝરે લખ્યું, ‘એનો અર્થ એ છે કે આપણે બધા ટેલેન્ટેડ છીએ… નાક અને જીભને આગળ-પાછળ કરો અને ટેલેન્ટેડ બની જાઓ’, જ્યારે બીજા યુઝર્સે લખ્યું, ‘આવા સ્ટારકિડ્સ ઈન્ડસ્ટ્રીને બરબાદ કરી રહ્યા છે.’ અન્ય એક યુઝર્સે કહ્યું, ‘હા ભાઈ, જીભ વડે નાકને અડે એ જ એક ટેલેન્ટ છે, એક્ટિંગમાં તો છે નહિ.’

‘લાઈગર’ની વાત કરીએ તો આ ફિલ્મનું નિર્દેશન પુરી જગન્નાથ દ્વારા કરવામાં આવી છે. આ ફિલ્મમાં વિજય દેવરકોંડા એમએમએ ફાઇટરની ભૂમિકા ભજવી રહ્યા છે. આ ફિલ્મમાં અનન્યા અને વિજય સિવાય રામ્યા કૃષ્ણન અને મકરંદ દેશપાંડે પણ જોવા મળશે. આ બોક્સિંગ ચેમ્પિયન માઈક ટાયસન કેમિયો રોલ કરશે. આ ફિલ્મ 25 ઓગસ્ટે થિયેટરોમાં રિલીઝ થશે.