Akdi Pakdi Song: અકડી પકડી સોંગે મચાવી ધૂમ, થોડી કલાકોમાં જ લાખો લોકોએ જોયુ આ સોંગ

વિજય દેવરાકોંડા (Vijay Deverakonda)ની ફિલ્મ ‘લાઈગર’નું ‘અકડી પકડી’ (Akdi Pakdi) સોંગ રિલીઝ થઈ ગયું છે. આ સોંગમાં વિજય દેવરકોંડા અને અનન્યા પાંડેની કેમેસ્ટ્રી જોવા મળી રહી છે. ફેન્સ ઘણી ઉત્સુક્તાથી આ ગીતની રાહ જોઈ રહ્યા હતા. આ ગીતનું પ્રીમિયર 11 જુલાઈના રોજ સાંજે 4 વાગ્યે કરવામાં આવ્યું હતું. ‘અકડી પકડી’ સોંગ લોકોને ઘણુ પસંદ આવી રહ્યુ છે. સોંગની રિલિઝના માત્ર બે કલાકમાં આ તેને 8 લાખથી વધુ લોકોએ જોયું છે અને 200 હજારથી વધુ લાઇક્સ મળી છે. બંનેની કેમેસ્ટ્રી લોકોને ખૂબ જ પસંદ આવી રહી છે.

સોંગ રિલીઝ થયાના થોડા જ કલાકોમાં લાખો લોકોએ જોયું

હાલ વિજય દેવરકોંડા લોકો ખૂબ પસંદ કરી રહ્યા છે.. તે માત્ર સ્માર્ટ તો દેખાય જ છે અને ફિલ્મોમાં પણ તેની એક્ટિંગ પણ કમાલની હોય છે. જો કે આ આ ફિલ્મમાં તેની માત્ર એક્ટિંગ જ નહીં, ડાન્સ અને એક્શન પણ જોવા મળશે. મતલબ કે આ ફિલ્મ તમારા પૂરા પૈસા વસૂલ કરશે. ફિલ્મનું ટ્રેલર જોઈને જ તમને તેનો અંદાજ આવી ગયો હશે.

ડાયરેક્ટર પુરી જગન્નાથે શેર કરી તસવીર

View this post on Instagram

A post shared by Puri Connects (@puriconnects)

અહીં જુઓ- ‘લાઈગર’ ફિલ્મનું ગીત ‘અકડી પકડી’

જેમ જેમ ફિલ્મની રિલીઝ નજીક આવી રહી છે તેમ તેમ આ ફિલ્મ માટે લોકોનો ક્રેઝ પણ વધી રહ્યો છે. ગીતમાં વિજય દેવરકોંડા અને અનન્યા પાંડે એક અલગ જ અંદાજમાં જોવા મળી રહ્યા છે. સોંગ પણ એકદમ કેચી લાગી રહ્યુ છે. જે લોકોની જીભે ચડતા વાર નથી લાગતી. આ ફિલ્મ વિજય અને અનન્યાની પહેલી ફિલ્મ છે, પરંતુ આ ગીત જોઈને લોકો અંદાજો લગાવી શકશે નહીં કે બંને પહેલીવાર સાથે કામ કરી રહ્યા છે. આ ગીતમાં થોડો સાઉથ ટચ છે અને દેખીતી રીતે બોલિવૂડ ફ્લેવર હશે કારણ કે આ ગીત બોલિવૂડ ફિલ્મનું છે.

25 ઓગસ્ટ 2022એ રિલીઝ થશે ફિલ્મ

આ ગીત લિજો જ્યોર્જ અને ડીજે ચેતસે કમ્પોઝ કર્યું છે જોકે તેને સોની મ્યુઝિકના લેબલ હેઠળ રિલીઝ કરવામાં આવ્યું છે. આ ફિલ્મથી વિજય દેવરકોંડા બોલિવૂડમાં ડેબ્યૂ કરવા જઈ રહ્યા છે. આ ફિલ્મમાં વિજય દેવરાકોંડા ઉપરાંત અનન્યા પાંડે, રામ્યા કૃષ્ણન, રોનિત રોય અને મકરંદ દેશપાંડે પણ જોવા મળશે. આ એક સ્પોર્ટ્સ ડ્રામા ફિલ્મ છે જે હિન્દી, તમિલ, તેલુગુ, કન્નડ અને મલયાલમ ભાષામાં રિલીઝ થશે. આ ફિલ્મ 25 ઓગસ્ટ 2022ના રોજ સિનેમાઘરોમાં રિલીઝ થશે.