UP Election 2022: ખેડૂત નેતા રાકેશ ટિકૈતે કરી જાહેરાત ચૂંટણીમાં કોઈને સમર્થન નહીં આપે, આંદોલન બાદ રાજકીય પક્ષો ખેડૂતો વિશે વિચારે
રાકેશ ટિકૈતે કહ્યું કે લખીમપુર ખીરી ઘટનાને લઈને અધિકારીઓએ આપેલા વચનો હજુ પૂરા થયા નથી. આ કારણોસર તેમના નેતૃત્વ હેઠળ સંયુક્ત કિસાન મોરચાની 10 સભ્યોની ટીમ 22 જાન્યુઆરીથી ત્રણ દિવસ લખીમપુર ખીરીમાં રહેશે અને અસરગ્રસ્ત ખેડૂતોના પરિવારો અને અધિકારીઓ સાથે વાતચીત કરશે.
ભારતીય કિસાન યુનિયન (BKU)ના નેતા રાકેશ ટિકૈતે (Rakesh Tikait) મંગળવારે પ્રયાગરાજમાં જણાવ્યું હતું કે 3-દિવસીય મંથન સત્રમાં ખેડૂતો અને સંગઠન સંબંધિત મુદ્દાઓ પર ચર્ચા કરવામાં આવી હતી. ખેડૂત વિરોધની સૌથી મોટી જીત એ છે કે રાજકીય પક્ષો હવે તેમના વિશે વિચારે છે. અમે આ ચૂંટણીમાં કોઈને સમર્થન આપીશું નહીં. તે જ સમયે, ખેડૂતોએ 22, 23, 24 જાન્યુઆરીએ વિશ્વાસઘાત દિવસ ઉજવવાની જાહેરાત કરી છે. ભારતીય કિસાન યુનિયનનું સંમેલન મંગળવારે માઘ મેળા વિસ્તારમાં સમાપ્ત થયું હતું.
કોન્ફરન્સના છેલ્લા દિવસે રાષ્ટ્રીય કાર્યકારિણીની બેઠક મળી હતી. આ બેઠકમાં મિનિમમ સપોર્ટ (MSP) માટેના મોટા આંદોલન અંગે પણ ચર્ચા થઈ હતી. ડેરી, ખાતર, બિયારણ અંગેના પ્રસ્તાવિત બિલનો વિરોધ કરવાનો પણ નિર્ણય લેવામાં આવ્યો હતો. આગામી વિધાનસભાની ચૂંટણીને ધ્યાનમાં રાખીને આંદોલનની તારીખ જાહેર કરવામાં આવી નથી.
મીડિયા રિપોર્ટ્સ અનુસાર, રાકેશ ટિકૈતે કહ્યું કે લખીમપુર ખીરી ઘટનાને લઈને અધિકારીઓએ આપેલા વચનો હજુ પૂરા થયા નથી. આ કારણોસર, તેમના નેતૃત્વ હેઠળ સંયુક્ત કિસાન મોરચાની 10 સભ્યોની ટીમ 22 જાન્યુઆરીથી ત્રણ દિવસ લખીમપુર ખેરીમાં રહેશે અને અસરગ્રસ્ત ખેડૂતોના પરિવારો અને અધિકારીઓ સાથે વાતચીત કરશે.
22-24 જાન્યુઆરી સુધી વિશ્વાસઘાત દિવસ
રાષ્ટ્રીય કાર્યકારિણીની બેઠકમાં તેમણે 22 થી 24 જાન્યુઆરી સુધી વિશ્વાસઘાત દિવસ મનાવવાની જાહેરાત કરી હતી. બેઠકમાં MSPની માંગ અને કૃષિ સંબંધિત અન્ય ઘણા પ્રસ્તાવિત બિલો સામે આંદોલનની રણનીતિ બનાવવામાં આવી હતી. બેઠકમાં બ્લોક સ્તરે સંગઠનને વધુ મજબૂત કરવા, ખેડૂતોને જોડવા અભિયાન ચલાવવાનો નિર્ણય લેવામાં આવ્યો હતો. અગાઉ જિલ્લા પ્રમુખ અનુજકુમાર સિંઘે મહેમાનોનું સ્વાગત કરી પરિચય આપ્યો હતો.
આંદોલનને ખેડૂતો યાદ રાખો
ચૂંટણીને લઈને રાકેશ ટિકૈતે કહ્યું કે અમે કોઈપણ પક્ષને સમર્થન આપતા નથી. ખેડૂતોએ તેમની ઈચ્છા મુજબ મતદાન કરવું જોઈએ. ખેડૂતોએ 13 મહિના સુધી ચાલેલા આંદોલનને યાદ રાખવું જોઈએ. ટિકૈતે રાજ્યમાં વિધાનસભા ચૂંટણી દરમિયાન રાજકીય પક્ષોથી અંતર રાખવાની વાત કરી હતી. તેમણે કહ્યું કે ખાતર માટે રાજ્યમાં આંદોલન થશે. ખેડૂત આંદોલન સમાપ્ત થઈ ગયું છે. પરંતુ સરકાર સામે અન્ય આંદોલનો થશે. આ મામલે 21 જાન્યુઆરીએ, ટિકૈત ત્રણ દિવસના પ્રવાસ પર લખીમપુર ખેરી જશે.
આ પણ વાંચો : અમેરિકી ડોકટરે આપી ચેતવણી, કહ્યું કે, બાળકોમાં ઝડપથી ફેલાઈ રહ્યો છે કોરોના, તેથી સંક્રમણથી બચો
