NEET PG 2023: NEET PG એડમિશન માટે નોટિસ જાહેર, કાઉન્સેલિંગ પ્રક્રિયા ટૂંક સમયમાં થશે શરૂ

NEET PG 2023 Counselling : મેડિકલ કોલેજના પીજી કોર્સમાં પ્રવેશ માટે લેવાનારી NEET PG પરીક્ષાને લઈને એક મહત્વપૂર્ણ સૂચના બહાર પાડવામાં આવી છે. જાહેર કરાયેલી સૂચના મુજબ, NEET PG પ્રવેશ માટેની કાઉન્સેલિંગ પ્રક્રિયા ટૂંક સમયમાં શરૂ થશે. નેશનલ મેડિકલ કાઉન્સિલ દ્વારા NEET UG પરીક્ષામાં મેટ્રિક્સ બેઠકો અંગે નોટિસ જાહેર કરવામાં આવી છે.

આ પણ વાંચો : NEET PG 2023 રિઝલ્ટ થયું જાહેર, અહીં આપેલી લિંક પર ચેક કરો

નોટિસમાં જણાવાયું છે કે, પોસ્ટ ગ્રેજ્યુએટ મેડિકલ એજ્યુકેશન બોર્ડ PGMEBને વર્ષ 2022 દરમિયાન મેડિકલ કોલેજો/સંસ્થાઓમાંથી PG મેડિકલ લાયકાતની માન્યતા/નવીકરણ માટે 2828 અરજીઓ મળી છે. અત્યાર સુધીમાં બોર્ડે 1870 અરજીઓ પર નિર્ણય લીધો છે. બાકીની અરજીઓ પર નિર્ણય પ્રક્રિયા ચાલી રહી છે.

ઘટી શકે છે NEET PG સીટો

શૈક્ષણિક વર્ષ 2023 માટે પ્રવેશ માટે મેડિકલ કોલેજો/સંસ્થાઓમાં ઉપલબ્ધ હાલની માન્ય/પરવાનગી પ્રાપ્ત PG બોર્ડ વિશેષતા બેઠકો ધ્યાનમાં લેવામાં આવશે. તે મુજબ સીટ મેટ્રિક્સ તૈયાર કરવામાં આવશે. ખાસ સંજોગોમાં સીટોની સંખ્યા ઓછી પણ હોઈ શકે છે.

કટ ઓફ શું હતું?

NEET PG 2023 5મી માર્ચે હાથ ધરવામાં આવી હતી અને પરિણામ 14મી માર્ચે જાહેર કરવામાં આવ્યું હતું. Gen અને EWS કેટેગરી માટે કટ-ઓફ 800 માંથી 291 હતો, Gen-PwBD માટે તે 274 હતો અને SC, ST અને OBC માટે તે 238 હતો. પોસ્ટ ગ્રેજ્યુએટ કાઉન્સેલિંગમાં ઓલ ઈન્ડિયા ક્વોટા અને રાજ્યો માટે 50 ટકા સીટો છે.

NEET PG 2023 કાઉન્સેલિંગ શેડ્યૂલ mcc.nic.in -MCC ની ઓફિશિયલ વેબસાઇટપર પ્રકાશિત કરવામાં આવશે. ઉમેદવારોએ નોંધ લેવી જોઈએ કે MCC પોર્ટલ પર કાઉન્સેલિંગ સત્ર માટે નોંધણી કરતી વખતે ઓનલાઈન NBE અરજી ફોર્મમાં વપરાયેલ ઈમેલ એડ્રેસ અને ફોન નંબરનો ઉપયોગ કરવામાં આવશે.

ક્વોટાની બેઠકો માટે આ લોકોએ આપવી પડશે અરજી

NEET PGમાં તેમના પ્રદર્શનના આધારે ઓલ ઈન્ડિયા ક્વોટાની બેઠકો માટે લાયક ઠરેલા તમામ ઉમેદવારોને કાઉન્સેલિંગ પ્રક્રિયામાં ભાગ લેવાની મંજૂરી આપવામાં આવશે. જે ઉમેદવારોએ NEET PG 2023 પાસ કર્યું છે તેઓએ તેમના સંબંધિત રાજ્યો દ્વારા રાજ્ય ક્વોટાની બેઠકો માટે અરજી કરવાની રહેશે.