‘સ્કીન ટૂ સ્કીન ટચ’ મામલે સુપ્રીમ કોર્ટમાં આજે સુનાવણી, શું છે સમગ્ર મામલો, વાંચો અહીં
સુનાવણી દરમિયાન, એટર્ની જનરલ કેકે વેણુગોપાલે કહ્યું કે જો બોમ્બે હાઈકોર્ટના નિર્ણયને નીચલી અદાલતો માટે દાખલા તરીકે લેવામાં આવશે, તો પરિણામ વિનાશક હશે.
‘Skin to Skin Touch’ case માં સુપ્રીમ કોર્ટ (Supreme Court)આજે પોતાનો ચુકાદો સંભળાવશે. 30 સપ્ટેમ્બરે સુપ્રીમ કોર્ટે બોમ્બે હાઈકોર્ટ (Bombay High Court) ના નિર્ણયને પડકારતી અરજીઓ પર પોતાનો ચુકાદો અનામત રાખ્યો હતો. ત્રણ જજની બેન્ચે તમામ પક્ષકારોની દલીલો સાંભળ્યા બાદ નિર્ણય સુરક્ષિત રાખ્યો હતો. અગાઉ, બોમ્બે હાઈકોર્ટે દોષિતોમાંથી એકને નિર્દોષ જાહેર કર્યો હતો, એવું માનીને કે જો આરોપી અને પીડિતા વચ્ચે કોઈ ‘સ્કીન ટૂ સ્કીન ટચ’ એટ્લે કે ચામડીથી ચામડીનો સંપર્ક ન હોય, તો POCSO કાયદા હેઠળ જાતીય સતામણીનો કોઈ ગુનો બનતો નથી
સુનાવણી દરમિયાન, એટર્ની જનરલ કેકે વેણુગોપાલે કહ્યું કે જો બોમ્બે હાઈકોર્ટના નિર્ણયને નીચલી અદાલતો માટે દાખલા તરીકે લેવામાં આવશે, તો પરિણામ વિનાશક હશે. આ એક અસાધારણ પરિસ્થિતિને જન્મ આપશે. તેમણે એમ પણ કહ્યું કે પોક્સો હેઠળ ત્વચાથી ત્વચાનો સ્પર્શ ફરજિયાત નથી. તેમણે સુપ્રીમ કોર્ટને વિનંતી કરી કે તેને ફગાવી દેવામાં આવે.
આ કારણે આરોપીને નિર્દોષ જાહેર કરવામાં આવ્યો હતો બોમ્બે હાઈકોર્ટની નાગપુર ખંડપીઠે એક આરોપીને નિર્દોષ છોડી મૂક્યો હતો, એવું માનીને કે સગીર છોકરીને તેના કપડા પર અડવું એ POCSO ની કલમ 8 હેઠળ ‘જાતીય સતામણી’નો ગુનો ગણાશે નહીં. હાઈકોર્ટે જણાવ્યું હતું કે POCSO ની કલમ 8 હેઠળ ગુનો આકર્ષવા માટે ‘ત્વચાથી ત્વચા’ સંપર્ક હોવો જોઈએ. હાઈકોર્ટનું માનવું હતું કે આ અધિનિયમ IPCની કલમ 354 હેઠળ ‘છેડતી’નો ગુનો છે.
27 જાન્યુઆરીના રોજ આ આદેશ પર પ્રતિબંધ મૂકવામાં આવ્યો હતો 27 જાન્યુઆરીના રોજ તત્કાલિન ચીફ જસ્ટિસ એસએ બોબડેની અધ્યક્ષતાવાળી બેન્ચે હાઈકોર્ટના આ વિવાદાસ્પદ આદેશના અમલ પર રોક લગાવી દીધી હતી. 6 ઓગસ્ટના રોજ બેન્ચે આ મામલે વરિષ્ઠ વકીલ સિદ્ધાર્થ દવેની એમિકસ ક્યૂરી તરીકે નિમણૂક કરી હતી. ઉપરોક્ત કેસની સાથે, સુપ્રીમ કોર્ટ મહારાષ્ટ્ર રાજ્ય દ્વારા બોમ્બે હાઈકોર્ટના અન્ય એક વિવાદાસ્પદ નિર્ણય સામે દાખલ કરવામાં આવેલી અપીલ પર પણ વિચારણા કરી રહી છે, જેમાં કહેવામાં આવ્યું હતું કે જેમાં કહેવામાં આવ્યું હતું કે સગીર બાળકીનો હાથ પકડીને પેન્ટની ઝિપ ખોલવી એ POCSO હેઠળ યૌન શોષણની વ્યાખ્યામાં આવતું નથી.
આ પણ વાંચો: ડિલિવરી બોયથી પોતાને સુરક્ષિત રાખવા છોકરી વાપરે છે આ યુક્તિ, જાણીને તમે પણ કહેશો Interesting !
આ પણ વાંચો: પાકિસ્તાન જેલમાંથી મુક્ત થયેલા માછીમારોએ આપી માહિતી, જેલમાં કેવો હતો વ્યવહાર? હજુ કેટલા માછીમારો કેદ?