Bangladeshi Arrested: BSFએ ભારતીય સરહદમાં ગેરકાયદે ઘૂસણખોરી કરતા 7 બાંગ્લાદેશી નાગરિકોની કરી ધરપકડ
બોર્ડર સિક્યુરિટી ફોર્સએ સાઉથ બંગાળ સીમાંત હેઠળ, બોર્ડર ચોકી ઝીંગા, 118મી કોર્પ્સના જવાનોએ જિલ્લા ઉત્તર 24 પરગણા વિસ્તારમાંથી 7 બાંગ્લાદેશી નાગરિકોને ગેરકાયદેસર રીતે આંતરરાષ્ટ્રીય સરહદ પાર કરતા ધરપકડ કરી છે.
પશ્ચિમ બંગાળ (West Bengal)ની રાજધાની કોલકાતા (Kolkata)માં ગેરકાયદેસર રીતે રહેતા 21 બાંગ્લાદેશીઓ (Bangladeshi Nationals) ની ધરપકડ કર્યા પછી, હવે દક્ષિણ બંગાળ સરહદ હેઠળ બોર્ડર સિક્યોરિટી ફોર્સ (BSF)એ 7 બાંગ્લાદેશી નાગરિકોની ગેરકાયદેસર રીતે આંતરરાષ્ટ્રીય સરહદ (International border) પાર કરતી વખતે ધરપકડ કરવામાં આવી છે. પકડાયેલા તમામ બાંગ્લાદેશી નાગરિકોને આગળની કાયદેસરની કાર્યવાહી માટે પોલીસ સ્ટેશન હેમનગર કોસ્ટલને સોંપવામાં આવ્યા છે.
BSF દ્વારા જાહેર કરવામાં આવેલા એક નિવેદનમાં કહેવામાં આવ્યું છે કે, 12 ડિસેમ્બરે બોર્ડર આઉટપોસ્ટ ઝીંગા, 118મી કોર્પ્સ, સેક્ટર કોલકાતાના જવાનોએ વિશ્વસનીય માહિતીના આધારે એક વિશેષ ઓપરેશન હાથ ધર્યું હતું અને સાત બાંગ્લાદેશી નાગરિકોની ધરપકડ કરી હતી. આ તમામ બાંગ્લાદેશથી ગેરકાયદેસર રીતે ભારત આવવાનો પ્રયાસ કરી રહ્યા હતા. ધરપકડ કરાયેલા બાંગ્લાદેશી નાગરિકોમાં 4 પુરુષ અને 3 મહિલાઓનો સમાવેશ થાય છે.
ધરપકડ કરાયેલા તમામ આરોપીઓ બાંગ્લાદેશના ફરીદપુરના રહેવાસી
ધરપકડ કરાયેલા બાંગ્લાદેશી નાગરિકોની ઓળખ જહાંગીર મોલિક (ઉંમર 51 વર્ષ), નાનુ મુલ્લા (ઉંમર 38 વર્ષ), બિલાલ શેખ (ઉંમર 31 વર્ષ), સોહન શેખ (ઉંમર 19 વર્ષ), હીના બેગમ (40 વર્ષ), સુમી બેગમ (ઉંમર 20 વર્ષ) અને સમજીદા બેગમ (ઉંમર 22 વર્ષ) તરીકે થઈ છે. આ તમામ બાંગ્લાદેશના નરેલ જિલ્લા અને ફરીદપુર જિલ્લાના રહેવાસી છે. પ્રારંભિક પૂછપરછ દરમિયાન તમામે પોતાને બાંગ્લાદેશના નાગરિક હોવાનું જાહેર કર્યું છે. આ તમામ બાંગ્લાદેશથી રોજગારની શોધમાં ગેરકાયદેસર રીતે સરહદ પાર કરીને ભારત આવી રહ્યા હતા.
કોલકાતામાં રહીને ચણતરનું કામ કરી રહ્યા હતા
ધરપકડ કરાયેલા આરોપી જહાંગીર મોલિકે જણાવ્યું કે, તે લગભગ સાત વર્ષ પહેલા બાંગ્લાદેશી દલાલની મદદથી ગેરકાયદેસર રીતે બાંગ્લાદેશથી સરહદ પાર કરીને ભારત આવ્યો હતો અને બાબુ બજાર, (ખિદીરપુર) કોલકાતામાં રહેતો કડિયાકામ કરતો હતો.
તેમણે કહ્યું કે લગભગ 1000 બાંગ્લાદેશી નાગરિકો તે જગ્યાએ ગેરકાયદેસર રીતે રહે છે અને મજૂરી કામમાં રોકાયેલા છે. તેણે વધુમાં જણાવ્યું કે થોડા દિવસ પહેલા તે બાંગ્લાદેશ ગયો હતો અને આજે બાબુ બજાર, (ખિદીરપુર) કોલકાતા પાછો આવી રહ્યો હતો. આ કામ માટે તેણે બાંગ્લાદેશી બ્રોકરને રૂપિયા 10,000/- આપ્યા હતા.
દલાલોની મદદથી ભારતમાં ઘુસવાનો પ્રયાસ
પૂછપરછ દરમિયાન નાનુ મુલ્લાએ જણાવ્યું હતું કે 2 વર્ષ પહેલા તે બાંગ્લાદેશી દલાલની મદદથી ગેરકાયદેસર રીતે સરહદ પાર કરીને બાંગ્લાદેશથી ભારત આવ્યો હતો અને કર્ણાટકના યેલંકા (બેંગલુરુ) જઈને મજૂરી કામ કરતો હતો. આજે તે દલાલોની મદદથી ત્યાંથી પાછો જતો રહ્યો હતો. આ કામ માટે તેણે બાંગ્લાદેશી બ્રોકરને 4,000/- આપ્યા હતા.
તેમણે વધુમાં જણાવ્યું કે લગભગ 100 બાંગ્લાદેશી નાગરિકો ત્યાં ગેરકાયદેસર રીતે રહે છે અને મજૂરી કામ કરે છે. પૂછપરછ દરમિયાન હીના બેગમે જણાવ્યું કે તે 2 વર્ષ પહેલા પશ્ચિમ બંગાળના મુર્શિદાબાદના લાલગોલામાં મજૂરી કામ કરવા માટે આવી હતી. આજે તે તેના ત્રણ બાળકો અને મામાની છોકરી સમજીદા બેગમ સાથે રોજગારની શોધમાં ભારત (Indian Border) પરત આવી રહી હતી.
આ કામ માટે તેણે સરીફુલ, ગામ ગોપાલગંજ, જિલ્લો ફરીદપુર, બાંગ્લાદેશને પ્રત્યેક 10,000/- ચૂકવ્યા છે. તેમણે વધુમાં જણાવ્યું કે મુર્શિદાબાદના લાલગોલામાં 40 થી 50 બાંગ્લાદેશી નાગરિકો કામ કરે છે.
આ પણ વાંચો: PM Fasal Bima Yojana: તમે સરળતાથી જાણી શકો છો તમારા પ્રિમીયમની રકમ, આ રહી સરળ રીત
આ પણ વાંચો: આદિત્યમાંથી ઈબ્રાહિમને હવે ફરી આદિત્ય બન્યો આ યુવક, આર્ય સમાજે ગણાવી ઘર વાપસી
