રેલવે મંત્રાલયની કંપનીમાં આસિસ્ટન્ટ મેનેજરની 27 જગ્યાઓ પર બમ્પર ભરતી! એન્જિનિયરો માટે નોકરી મેળવવાની ઉત્તમ તક

સરકારી નોકરીની તૈયારી કરી રહેલા ઉમેદવારો માટે મોટા સમાચાર છે. રેલવે મંત્રાલય હેઠળ કાર્યરત જાહેર ક્ષેત્રની કંપની રાઇટ્સ લિમિટેડ (RITES) દ્વારા નવા પ્રોજેક્ટ માટે આસિસ્ટન્ટ મેનેજરનાં પદો પર ભરતી બહાર પાડવામાં આવી છે. RITES દ્વારા આસિસ્ટન્ટ મેનેજર મિકેનિકલની કુલ 27 જગ્યાઓ માટે અરજીઓ મંગાવવામાં આવી છે. આ ભરતી માટે લાયક ઉમેદવારો રાઇટ્સની સત્તાવાર વેબસાઇટ પર જઈને ઓનલાઈન અરજી કરી શકે છે. આ ભરતી માટે અરજી પ્રક્રિયા 30 ઓક્ટોબર 2026 થી શરૂ થઈ ગઈ છે. જ્યારે અરજી કરવાની છેલ્લી તારીખ 20 નવેમ્બર 2026 નક્કી કરવામાં આવી છે.

આસિસ્ટન્ટ મેનેજર મિકેનિકલની જગ્યાઓની વિગતો

આ ભરતી અંતર્ગત કુલ 27 જગ્યાઓ પર ઉમેદવારોની પસંદગી કરવામાં આવશે. જગ્યાઓની વિગતો નીચે મુજબ છે.

• આસિસ્ટન્ટ મેનેજર મિકેનિકલ-1: 14 જગ્યાઓ
• આસિસ્ટન્ટ મેનેજર મિકેનિકલ-2: 10 જગ્યાઓ
• આસિસ્ટન્ટ મેનેજર મિકેનિકલ-3: 3 જગ્યાઓ

અરજી માટે જરૂરી શૈક્ષણિક લાયકાત

આ ભરતી માટે અરજી કરવા ઇચ્છુક ઉમેદવારોએ સત્તાવાર નોટિફિકેશનમાં દર્શાવેલી શૈક્ષણિક લાયકાત અને અનુભવની વિગતો તપાસવી જરૂરી છે. આસિસ્ટન્ટ મેનેજર મિકેનિકલ-1 માટે મિકેનિકલ એન્જિનિયરિંગમાં ડિપ્લોમા સાથે 8 વર્ષનો અનુભવ અથવા BE/B.Tech ડિગ્રી સાથે 2 વર્ષનો અનુભવ જરૂરી છે. આસિસ્ટન્ટ મેનેજર મિકેનિકલ-2 માટે પણ મિકેનિકલ એન્જિનિયરિંગમાં ડિપ્લોમા સાથે 8 વર્ષનો અનુભવ અથવા BE/B.Tech ડિગ્રી સાથે 2 વર્ષનો અનુભવ જરૂરી છે. આસિસ્ટન્ટ મેનેજર મિકેનિકલ-3 માટે પણ ઉપરોક્ત શૈક્ષણિક લાયકાત અને અનુભવની જરૂરિયાત દર્શાવવામાં આવી છે. આ ઉપરાંત સ્ટીલ પ્લાન્ટ, રોલિંગ, ફોર્જિંગ અથવા કાસ્ટિંગ ઉદ્યોગમાં કામ કરવાનો અનુભવ ધરાવતા ઉમેદવારોને પસંદગીમાં પ્રાથમિકતા આપવામાં આવી શકે છે.

કેટલી હોવી જોઈએ ઉંમર મર્યાદા?

આ ભરતી માટે જનરલ કેટેગરીના ઉમેદવારોની ઉંમર 18થી 40 વર્ષ નક્કી કરવામાં આવી છે. અનામત કેટેગરીના ઉમેદવારોને સરકારી નિયમો મુજબ ઉંમરમાં છૂટછાટ આપવામાં આવશે. SC/ST ઉમેદવારોને 5 વર્ષની છૂટ. OBC નોન-ક્રીમી લેયર ઉમેદવારોને 3 વર્ષની છૂટ. PwBD ઉમેદવારોને 10 વર્ષ સુધીની છૂટ. ઉમેદવારોની ઉંમરની ગણતરી 20 નવેમ્બર 2026ના આધારે કરવામાં આવશે.

RITES ભરતી માટે કેવી રીતે અરજી કરવી?

આ ભરતી માટે ઓનલાઈન અરજી કરવાની પ્રક્રિયા નીચે મુજબ છે.

• સૌપ્રથમ RITES ની સત્તાવાર વેબસાઇટ www.rites.com પર જાઓ.
• વેબસાઇટ પર Career વિભાગમાં જાઓ.
• આસિસ્ટન્ટ મેનેજર ભરતી માટેની On Line Registration લિંક પસંદ કરો.
• તમારું નામ, ઈમેલ આઈડી અને મોબાઈલ નંબર જેવી વિગતો આપીને રજિસ્ટ્રેશન કરો.
• ત્યારબાદ શૈક્ષણિક લાયકાત અને કામના અનુભવની વિગતો સાથે અરજી ફોર્મ ભરો.
• જરૂરી દસ્તાવેજો, ફોટો, સહી અને અનુભવ પ્રમાણપત્ર અપલોડ કરો.
• ડેબિટ કાર્ડ, ક્રેડિટ કાર્ડ અથવા નેટ બેન્કિંગ દ્વારા અરજી ફી ચૂકવો.
• અરજી ફોર્મમાં ભરેલી તમામ વિગતો ફરી તપાસો અને ફોર્મ સબમિટ કરો.
• અંતમાં કન્ફર્મેશન પેજ ડાઉનલોડ કરીને તેની પ્રિન્ટ તમારી પાસે રાખો.

આ પણ વાંચો, મિડટર્મ ચૂંટણીમાં ટ્રમ્પ હાર્યા તો રાષ્ટ્રપતિ પદ રહેશે કે જશે, કેમ સમગ્ર દુનિયાની નજર આ ચૂંટણી પર છે?- વાંચો