Trending Video : રાતે 2 વગે TTEએ માંગી ટિકિટ, યાત્રીઓ ભડક્યા, કહ્યું-અલાઉ નથી, શું કહે છે રેલવેનો નિયમ?
TTE મુસાફરોને ઊંઘમાંથી જગાડીને ટિકિટ કે ID ચેક કરી શકે છે? આ સવાલને લઈને સોશિયલ મીડિયા પર એક વીડિયો વાયરલ થઈ રહ્યો છે, જેમાં રાત્રે 2 વાગ્યે ટિકિટ ચેક કરવા આવેલા TTE સાથે એક મુસાફર દલીલ કરતો જોવા મળે છે.

ટ્રેનમાં મુસાફરી કરતી વખતે રાત્રિના સમયે TTE દ્વારા ટિકિટ ચેક કરવાને લઈને અનેક વખત મુસાફરોના મનમાં સવાલ ઊભા થાય છે. શું રાત્રે 10 વાગ્યાથી સવારે 6 વાગ્યા સુધી TTE મુસાફરોને ઊંઘમાંથી જગાડીને ટિકિટ કે ID ચેક કરી શકે છે? આ સવાલને લઈને સોશિયલ મીડિયા પર એક વીડિયો વાયરલ થઈ રહ્યો છે, જેમાં રાત્રે 2 વાગ્યે ટિકિટ ચેક કરવા આવેલા TTE સાથે એક મુસાફર દલીલ કરતો જોવા મળે છે.
શું છે વાયરલ વીડિયોમાં?
સોશિયલ મીડિયા પ્લેટફોર્મ X પર અખિલેશ હિન્દુસ્તાની નામના યુઝરે આ વીડિયો શેર કર્યો છે. લગભગ 3 મિનિટના આ વીડિયોમાં એક મુસાફર અને TTE વચ્ચે ટિકિટ ચેકિંગને લઈને બોલાચાલી થતી જોવા મળે છે. મુસાફર રાત્રે 2 વાગ્યે ટિકિટ ચેક કરવા સામે વાંધો ઉઠાવે છે. તે દલીલ કરે છે કે રાત્રે 10 વાગ્યાથી સવારે 6 વાગ્યા સુધી TTE મુસાફરોને જગાડીને તેમની ટિકિટ કે ID ચેક કરી શકતા નથી.
“सच्चा ज्ञान इसी बात को जानने में है कि आप कुछ नहीं जानते।”- सुकरात
रेलवे के नियमों के अनुसार, रात 10 बजे से सुबह 6 बजे तक TTE सो रहे यात्रियों को जगाकर टिकट या ID चेक नहीं कर सकता। लेकिन इसका मतलब यह नहीं कि रात में TTE को चेकिंग का अधिकार ही नहीं है। यात्रा रात 10 बजे के बाद शुरू होने, सुरक्षा या विजिलेंस जांच और सीट पर अनधिकृत व्यक्ति/बिना टिकट की शिकायत जैसी स्थितियों में वह रात में भी चेकिंग कर सकता है। लेकिन वीडियो में देखिए भाई साहब अपने ज्ञान पर अडिग हैं। टीटी से बहस करने में लगे हैं।
— Akhilesh Hindustani (@byakhileshyadav) November 21, 2026
બીજી તરફ, TTE પોતાની ફરજનો હવાલો આપતાં કહે છે કે ટ્રેનમાં કેટલાક લોકો ટિકિટ વગર મુસાફરી કરતા હોય છે. આવા મુસાફરોની ઓળખ કરીને તપાસ કરવી તેમની જવાબદારી છે. આ દરમિયાન મુસાફર TTEનું નામ પણ પૂછે છે અને સમગ્ર ઘટનાનો વીડિયો રેકોર્ડ કરે છે.
રેલવેનો નિયમ શું કહે છે?
રેલવે બોર્ડના નિર્દેશો અનુસાર, રિઝર્વ કોચમાં સામાન્ય રીતે સવારે 6 વાગ્યાથી રાત્રે 10 વાગ્યા સુધી ટિકિટની નિયમિત તપાસ થવી જોઈએ. રાત્રે 10 વાગ્યાથી સવારે 6 વાગ્યા વચ્ચે જે મુસાફરોની ટિકિટ અગાઉથી ચેક થઈ ગઈ હોય અને જેઓ ઊંઘી રહ્યા હોય, તેમને સામાન્ય રીતે ટિકિટ તપાસવા માટે જગાડવા જોઈએ નહીં.
જોકે, તેનો અર્થ એવો નથી કે રાત્રે 10 વાગ્યા પછી TTEને ટિકિટ ચેક કરવાનો અધિકાર જ નથી. જો કોઈ મુસાફરની ટિકિટ અગાઉ ચેક ન થઈ હોય અથવા ટ્રેનમાં કોઈ વ્યક્તિ ટિકિટ વગર કે નિયમ વિરુદ્ધ મુસાફરી કરતી હોવાની જાણ થાય, તો સંજોગો અનુસાર TTE તપાસ કરી શકે છે.
મુસાફરોએ આ વાત ખાસ યાદ રાખવી
રાત્રે 10 વાગ્યાથી સવારે 6 વાગ્યા સુધીનો નિયમ મુસાફરોની ઊંઘ અને સુવિધાનું ધ્યાન રાખવા માટે બનાવવામાં આવ્યો છે. તેનો અર્થ એ નથી કે આ સમય દરમિયાન ટિકિટ ચેકિંગ પર સંપૂર્ણ પ્રતિબંધ છે. તેથી સોશિયલ મીડિયા પર વાયરલ થઈ રહેલા ‘રાત્રે 10 વાગ્યા પછી TTE ટિકિટ ચેક કરી શકતા નથી’ જેવા દાવાને સંપૂર્ણ સાચો માનવાને બદલે રેલવેના નિયમો અને તેના અપવાદો સમજવા જરૂરી છે.
