કેનેરા બેંક સહિત આ કંપનીઓએ ‘Stock Split’ની કરી જાહેરાત, જાણો કઈ કંપની ક્યારે કરશે વિભાજન
સપ્તાહના છેલ્લા દિવસે આ 4 કંપનીઓએ શેર વિભાજનની મોટી જાહેરાત કરી છે. તેમાની એક બેંકે તેના સ્ટોક વિભાજનની રેકોર્ડ તારીખ 15 મે નક્કી કરી છે. ત્યારે ચાલો જાણીએ કઈ કંપની તેમના શેર વિભાજન કરવા જઈ રહી છે.
સપ્તાહના છેલ્લા દિવસે, કેનેરા બેંક સહિત 4 કંપનીઓએ શેર વિભાજનની મોટી જાહેરાત કરી છે. જાહેર ક્ષેત્રની બેંક કેનેરા બેંકે તેના સ્ટોક વિભાજનની રેકોર્ડ તારીખ 15 મે નક્કી કરી છે. બેંકના શેર 1:5 ના ગુણોત્તરમાં વહેંચવામાં આવશે.શુક્રવારે કેનેરા બેન્કનો શેર 0.76 ટકાના ઘટાડા સાથે રૂ.579 પર બંધ થયો હતો.
કેનેરા બેંકેના શેર વિભાજિત
કેનેરા બેન્કની વાત કરીએ તો છેલ્લા એક વર્ષમાં સ્ટોકમાં 96.24 ટકાનો વધારો જોવા મળ્યો છે. જેના દ્વારા રૂ. 10ની ફેસ વેલ્યુ સાથેના એક ઇક્વિટી શેરને રૂ. 2ની ફેસ વેલ્યુ સાથે પાંચ ઇક્વિટી શેરમાં વિભાજિત કરવામાં આવશે. બોર્ડે કેનેરા બેંકના શેરની તરલતા સુધારવા અને તેને છૂટક રોકાણકારો માટે વધુ સુલભ બનાવવા માટે શેર વિભાજનની દરખાસ્તને મંજૂરી આપી છે.
Premier Explosives ના સ્ટોક વિભાજિત
ડિફેન્સ ફર્મ પ્રીમિયર એક્સપ્લોસિવ્સના બોર્ડે 1:5ના રેશિયોમાં સ્ટોક સ્પ્લિટને મંજૂરી આપી છે. કંપનીના બોર્ડે રૂ. 400 કરોડ સુધી એકત્ર કરવાની પણ મંજૂરી આપી છે. પ્રીમિયર એક્સપ્લોસિવ્સ લિમિટેડના બોર્ડે ₹10ના એક ઈક્વિટી શેરને ₹2ના પાંચ ઈક્વિટી શેરમાં વિભાજિત કરવાની મંજૂરી આપી છે, એમ એક્સચેન્જ ફાઈલિંગમાં જણાવાયું છે. કંપની દ્વારા કરવામાં આવેલ આ પ્રથમ શેર વિભાજન છે.
કંપનીએ એક્સચેન્જ ફાઇલિંગમાં જણાવ્યું હતું કે તે નિયત સમયે સ્ટોક સ્પ્લિટ માટે રેકોર્ડ ડેટ નક્કી કરશે. શુક્રવારે કંપનીનો શેર 3.33 ટકાના વધારા સાથે રૂ.2,087 પર બંધ થયો હતો. પ્રીમિયર એક્સપ્લોઝિવ્સના શેર એક વર્ષમાં 408 ટકા વધ્યા છે અને આ વર્ષની શરૂઆતથી 34 ટકા વધ્યા છે. કંપનીનું માર્કેટ કેપ વધીને રૂ. 2246.57 કરોડ થયું છે.
Elecon Engineering ના શેર વિભાજિત
Elecon Engineering એ શેર વિભાજનની જાહેરાત કરી છે. કંપનીએ જણાવ્યું હતું કે રૂ. 2ની ફેસ વેલ્યુ ધરાવતા એક શેરને રૂ. 1ની ફેસ વેલ્યુ સાથે 2 શેરમાં વહેંચવામાં આવશે. તેની પૂર્ણતાનો સમય 4-6 મહિનાનો છે. શેરબજારોમાં કંપનીના શેરની લિક્વિડિટી સુધારવા અને નાના રોકાણકારોને તે ઉપલબ્ધ કરાવવા માટે સ્ટોક સ્પ્લિટ કરવામાં આવી રહ્યું છે. Elecon Engineering ની સ્થાપના વર્ષ 1951 માં કરવામાં આવી હતી. આ કંપની ઔદ્યોગિક ગિયર મોટર્સ અને રીડ્યુસરનું ઉત્પાદન કરે છે. મટિરિયલ હેન્ડલિંગ સાધનો, ખાણકામના સાધનો, કાસ્ટિંગ પ્રક્રિયાઓ વગેરેના ઉત્પાદનમાં અગ્રણી કંપની. શુક્રવારે કંપનીનો શેર 11.49 ટકાના વધારા સાથે રૂ. 1,181.90 પર બંધ થયો હતો. છેલ્લા એક વર્ષમાં આ શેરમાં 165.49 ટકાનો વધારો જોવા મળ્યો છે.
Davangere Sugar ના શેર વિભાજિત
Davangere Sugar શેર વિભાજનને મંજૂરી આપી છે. એક્સચેન્જ ફાઇલિંગમાં કંપનીએ કહ્યું છે કે કંપનીના બોર્ડે આજે યોજાયેલી તેની બોર્ડ મીટિંગમાં આને મંજૂરી આપી છે. કંપનીએ કહ્યું કે શેરનું વિભાજન 1:10માં થશે. એટલે કે એક શેરને 10 શેરમાં વહેંચવામાં આવશે. આ કંપનીના સભ્યો દ્વારા મંજૂરીની તારીખથી 2 મહિનાની અંદર પૂર્ણ કરવામાં આવશે. શુક્રવારે કંપનીનો શેર 8.02 ટકાના વધારા સાથે રૂ. 89.99 પર બંધ થયો હતો. છેલ્લા એક વર્ષમાં સ્ટોકમાં 34.31 ટકાનો વધારો જોવા મળ્યો છે.
Latest News Updates
