July માં થશે આ મહત્ત્વના બદલાવ, ક્રેડિટ કાર્ડથી લઈને ITR સુધી જાણો આ મહત્ત્વની વાતો
July Rules change : જુલાઇ મહિનો ઘણા મહત્વપૂર્ણ કાર્યોની અંતિમ તારીખ છે. જેમાં ITR ફાઇલિંગથી લઈને ક્રેડિટ કાર્ડના નિયમો સુધીની દરેક વસ્તુનો સમાવેશ થાય છે. જો તમે હજુ સુધી ITR ફાઈલ કર્યું નથી, તો તેને અંતિમ તારીખ પહેલા ફાઈલ કરો. ચાલો જાણીએ કે જુલાઈમાં ક્યા નિયમોમાં ફેરફાર થવા જઈ રહ્યા છે.
જુલાઈ મહિનો શરૂ થવામાં હવે ગણતરીના દિવસો જ બાકી રહ્યા છે. આ સાથે સામાન્ય માણસને લગતા કેટલાક કામોની મુદત પણ જુલાઈમાં પૂરી થઈ રહી છે. તેમાં ક્રેડિટ કાર્ડ સંબંધિત નવા નિયમોથી લઈને ITR ફાઇલિંગ સુધીના કાર્યોનો સમાવેશ થાય છે. જો તમે હજી સુધી આ વસ્તુઓ નથી કરી, તો સમયસર કરો. ચાલો તમને જણાવીએ કે જુલાઈમાં કયા કાર્યોની સમયમર્યાદા સમાપ્ત થઈ રહી છે, જેની સીધી અસર તમારા પર પડશે.
paytm વૉલેટ નિયમો
Paytm પેમેન્ટ્સ બેંક 20 જુલાઈ, 2024 ના રોજ શૂન્ય બેલેન્સ અને છેલ્લા વર્ષમાં કોઈ વ્યવહારો વિના નિષ્ક્રિય વૉલેટ બંધ કરશે. Paytm પેમેન્ટ્સ બેંકની વેબસાઈટ મુજબ છેલ્લા 1 વર્ષ કે તેથી વધુ સમયથી કોઈ વ્યવહારો કર્યા નથી અને શૂન્ય બેલેન્સ ધરાવતા તમામ વોલેટ 20 જુલાઈ, 2024થી બંધ થઈ જશે. તમામ જેને લાગુ પડે છે તેને માહિતી આપવામાં આવશે. યુઝર્સને તેમનું વોલેટ બંધ કરતા પહેલા 30 દિવસની નોટિસ આપવામાં આવશે.
SBI કાર્ડ ક્રેડિટ કાર્ડ નિયમો
એક મીડિયા રિપોર્ટ મુજબ SBI કાર્ડે જાહેરાત કરી છે કે, 1 જુલાઈ 2024થી કેટલાક ક્રેડિટ કાર્ડ્સ માટે સરકાર સંબંધિત વ્યવહારો પર રિવોર્ડ પોઈન્ટ્સ સ્ટોર કરવાનું બંધ કરી દેવામાં આવશે.
ICICI બેંક ક્રેડિટ કાર્ડ ચાર્જીસ
ICICI બેંકે 1 જુલાઈ 2024થી અમલી વિવિધ ક્રેડિટ કાર્ડ સેવાઓમાં સુધારાની જાહેરાત કરી છે. આમાં તમામ કાર્ડ્સ પર (ઇમરાલ્ડ પ્રાઇવેટ મેટલ ક્રેડિટ સિવાય) કાર્ડ રિપ્લેસમેન્ટ ફી રૂપિયા 100 થી વધારીને રૂપિયા 200 કરવાનો સમાવેશ થાય છે.
ITR ફાઇલ કરવાની અંતિમ તારીખ
નાણાકીય વર્ષ 2023-24 (AY 2024-25) માટે ITR ફાઇલ કરવાની અંતિમ તારીખ 31 જુલાઈ, 2024 છે. જો કે સરકાર ખાસ સંજોગોમાં તારીખો પણ લંબાવે છે. જો તમે સમયમર્યાદા સુધીમાં ITR ફાઇલ કરવામાં નિષ્ફળ થાઓ, તો પણ તમે 31 ડિસેમ્બર, 2024 સુધી લેટ ફાઈન સાથે આવકવેરા રિટર્ન ફાઈલ કરી શકો છો.
PNB Rupay પ્લેટિનમ ડેબિટ કાર્ડ
પંજાબ નેશનલ બેંકે Rupay Platinum Debit Card ના તમામ પ્રકારો માટે લાઉન્જ એક્સેસ પ્રોગ્રામમાં પણ સુધારો કર્યો છે. નવા નિયમો 1 જુલાઈ 2024થી અમલમાં આવશે. આમાં પ્રતિ ક્વાર્ટરમાં 1 (એક) ડોમેસ્ટિક એરપોર્ટ/રેલવે લાઉન્જ એક્સેસ અને દર વર્ષે 2 (બે) ઇન્ટરનેશનલ એરપોર્ટ લાઉન્જ એક્સેસનો સમાવેશ થાય છે.
સિટી બેંક ક્રેડિટ કાર્ડ
Axis Bank એ Citibank ક્રેડિટ કાર્ડના ગ્રાહકોને ક્રેડિટ કાર્ડ એકાઉન્ટ્સ સહિત તમામ સંબંધોને માઈગ્રેટ કરવા વિશે નોટિફાઈ કર્યું છે. જે 15 જુલાઈ, 2024 સુધીમાં પૂર્ણ થવાની અપેક્ષા છે.
