સરકારે કરોડો ઉદ્યોગપતિઓને આપી મોટી રાહત, 31 માર્ચ સુધી ફાઈલ કરી શકાશે વાર્ષિક GST રીટર્ન
સરકારે નાણાકીય વર્ષ 2019-20 માટે ગુડ્સ એન્ડ સર્વિસ ટેક્સ (GST)ના વાર્ષિક રિટર્ન (Annual Retruns) ભરવાની અંતિમ તારીખને લઈને મોટો નિર્ણય લીધો છે.
સરકારે નાણાકીય વર્ષ 2019-20 માટે ગુડ્સ એન્ડ સર્વિસ ટેક્સ (GST)ના વાર્ષિક રિટર્ન (Annual Retruns) ભરવાની અંતિમ તારીખને લઈને મોટો નિર્ણય લીધો છે. વાર્ષિક રિટર્ન (Annual Retruns) ભરવાની અંતિમ તારીખ વધારીને 31 માર્ચ સુધી કરી દેવામાં આવી છે. સરકાર દ્વારા આપવામાં આપેલું આ બીજું વિસ્તરણ છે. અગાઉ આ સમયમર્યાદા 31 ડિસેમ્બર 2020થી વધારીને 28 ફેબ્રુઆરી 2021 કરવામાં આવી હતી. આ સમયમર્યાદામાં રિટર્ન ફાઈલ કરવામાં કરદાતાઓને પડી રહેલી મુશ્કેલીઓને ધ્યાનમાં રાખીને નાણાં મંત્રાલયે નિવેદનમાં કહ્યું છે કે, સરકારે GST રીટર્ન -9 (GSTR-9) અને જીએસટી રીટર્ન -9 સી(GSTR-9C) ભરવાની સમયમર્યાદા વધારી દીધી છે. આ સમય મર્યાદામાં વિસ્તરણ ચૂંટણી પંચની મંજૂરીથી કરવામાં આવ્યું છે.
GSTR-9એ વાર્ષિક રિટર્ન છે, જે જીએસટી હેઠળ નોંધાયેલા કરદાતાઓએ ભરવાનું રહેશે. જીએસટીઆર -9 સીએ વાર્ષિક કરેલા નાણાકીય એકાઉન્ટ્સ અને જીએસટીઆર-9ની મેળવણી છે. એએમઆરજી અને એસોસિએટ્સના સિનિયર પાર્ટનર રજત મોહને કહ્યું કે, ભલે 31 દિવસનો સમયગાળો ટૂંકો છે, પરંતુ વ્યવસાયિકો માટે જરૂરી જવાબદારી નિભાવવા માટે પૂરતો સમય છે.
Press Note regarding extension of due date for furnishing of Annual Returns GSTR-9 and GSTR-9C for financial year 2019-20 to March 31, 2021. pic.twitter.com/fZsOeLjqkd
— CBIC (@cbic_india) February 28, 2021
ઉદ્યોગપતિઓને મોટી રાહત
માત્ર 2 કરોડથી વધુના કુલ વાર્ષિક ટર્નઓવર ધરાવતા કરદાતાઓ માટે વાર્ષિક રિટર્ન ફાઈલ કરવું ફરજિયાત છે, રેકન્સિલીએશન સ્ટેટમેન્ટ ફક્ત 5 કરોડ રૂપિયાથી વધુનું ટર્નઓવર ધરાવતા નોંધાયેલ વ્યક્તિઓ દ્વારા ફાઈલ કરવામાં આવશે.