આ ટેક્સટાઇલ કંપની 9000% રિટર્ન આપ્યા બાદ હવે રોકાણકારોને આપશે ડિવિડન્ડ, જાણો કેટલો મળશે લાભ
કંપની 10 રૂપિયાની ફેસ વેલ્યુ ધરાવતા દરેક શેર પર 20% ડિવિડન્ડ આપવા જઈ રહી છે. મતલબ કે દરેક શેરને રૂ.નું ડિવિડન્ડ મળશે. કંપનીએ તેના પ્રથમ વચગાળાના ડિવિડન્ડ માટે રેકોર્ડ ડેટ નક્કી કરી છે.
ડિવિડન્ડ(Dividend) એ પણ શેરબજાર(Share Market)માં કમાણીનો એક માર્ગ છે. જ્યારે કંપની દરેક શેરની ફેસ વેલ્યુની ચોક્કસ ટકાવારી તેના શેરધારકોને તેમના ખાતામાં મોકલે છે. ઘણા લોકો આનાથી તેમનું નુકસાન ઓછું કરે છે. કાપડ ઉદ્યોગ સાથે સંકળાયેલ પ્રેમકો ગ્લોબલ લિમિટેડ(Premco Global Limited) પણ તેના રોકાણકારોને ડિવિડન્ડ આપવા જઈ રહી છે. તે એક સ્મોલ કેપ કંપની છે જેણે છેલ્લા કેટલાક વર્ષોમાં જબરદસ્ત વળતર આપ્યું છે. કંપનીના શેર થોડા વર્ષોમાં રૂ. 4.50 થી રૂ. 400ને પાર કરી ગયા છે. કંપનીના શેરોએ આ સમયગાળા દરમિયાન રોકાણકારોને 9000 ટકા રિટર્ન આપ્યું છે. કંપની નાણાકીય વર્ષ 2022-23 માટે તેના રોકાણકારોને પ્રથમ વચગાળાનું ડિવિડન્ડ આપવા જઈ રહી છે.
તમને કેટલું ડિવિડન્ડ મળશે?
કંપની 10 રૂપિયાની ફેસ વેલ્યુ ધરાવતા દરેક શેર પર 20% ડિવિડન્ડ આપવા જઈ રહી છે. મતલબ કે દરેક શેરને રૂ.નું ડિવિડન્ડ મળશે. કંપનીએ તેના પ્રથમ વચગાળાના ડિવિડન્ડ માટે રેકોર્ડ ડેટ નક્કી કરી છે. ડિવિડન્ડ માટેની રેકોર્ડ તારીખ 25 ઓગસ્ટ 2022 નક્કી કરવામાં આવી છે. એટલે કે 24 ઓગસ્ટે આ સ્ટોક એક્સ-ડિવિડન્ડ બની જશે. ત્યાં સુધી તેમાં રોકાણ કરનારાઓને ડિવિડન્ડ મળશે અને તે પછી કંપનીના શેર ખરીદનારાઓને ડિવિડન્ડ આપવામાં આવશે નહીં. કંપની 11 સપ્ટેમ્બર અથવા તે પહેલાં ડિવિડન્ડ ચૂકવશે.
સ્ટોકની પ્રાઇસ હિસ્ટ્રી
27 ઓગસ્ટ 2004ના રોજ બોમ્બે સ્ટોક એક્સચેન્જ (BSE) પર પ્રેમકો ગ્લોબલના શેર રૂ. 4.51ના સ્તરે હતા. 12 ઓગસ્ટ 2022ના રોજ BSE પર કંપનીના શેર રૂ. 442.05 પર બંધ થયા હતા. જો કોઈ વ્યક્તિએ 27 ઓગસ્ટ, 2004ના રોજ કંપનીના શેરમાં રૂ. 1 લાખનું રોકાણ કર્યું હોય અને પોતાનું રોકાણ જાળવી રાખ્યું હોત તો અત્યારે આ નાણાં 98 લાખની નજીક હશે. પ્રેમકો ગ્લોબલના શેરની 52 સપ્તાહની નીચી સપાટી રૂ. 290.55 છે. તે જ સમયે તેની 52 સપ્તાહની ઊંચી સપાટી 567 રૂપિયા છે. પ્રેમકો ગ્લોબલના શેરમાં છેલ્લા 30 મહિનામાં જબરદસ્ત વૃદ્ધિ જોવા મળી છે. 26 માર્ચ 2020ના રોજ બોમ્બે સ્ટોક એક્સચેન્જમાં કંપનીના શેર રૂ. 46 પર હતા. જો કોઈ વ્યક્તિએ 26 માર્ચ 2020 ના રોજ કંપનીના શેરમાં 1 લાખ રૂપિયાનું રોકાણ કર્યું હતું અને તેનું રોકાણ જાળવી રાખ્યું તો હાલમાં આ નાણાં 9.60 લાખ રૂપિયા હશે
5 વર્ષ દરમ્યાનનું પ્રદર્શન
આ શેરમાં ભલે છેલ્લા 30 મહિનામાં તેજી જોવા મળી હોય પરંતુ તેનાથી 5 વર્ષમાં રોકાણકારોને લગભગ 2 ટકાનું નુકસાન થયું છે. આ સિવાય આ સ્ટોક છેલ્લા 1 વર્ષથી ઘણી અનિશ્ચિતતાઓમાંથી પસાર થઈ રહ્યો છે અને તેમાં વધારો કે ઘટાડો જોવા મળી રહ્યો છે. આ સ્ટોક એક મહિનામાં 34 ટકા ઊછળ્યો છે ત્યાં 1 વર્ષમાં 11 ટકા ઘટ્યો છે. કંપનીનું માર્કેટ કેપ 111 કરોડ રૂપિયા છે. જૂન ક્વાર્ટરમાં તેણે રૂ. 2 કરોડનો નફો કર્યો છે. જ્યારે અગાઉના નાણાકીય વર્ષના સમાન ત્રિમાસિક ગાળામાં કંપનીને રૂ. 6 કરોડનો નફો થયો હતો.