રેલ વિકાસ નિગમ લિમિટેડ RVNL ને મળ્યો 543 કરોડ રૂપિયાનો ઓર્ડર મળ્યો, એક વર્ષમાં આપ્યું 264 ટકા રિટર્ન
કંપની માટે આ સતત બીજો ઓર્ડર છે. RVNL ને હિમાચલ પ્રદેશ રાજ્ય વિદ્યુત બોર્ડ તરફથી હિમાચલ પ્રદેશના દક્ષિણ પ્રદેશમાં વિતરણ માળખાના વિકાસ માટે LoA પ્રાપ્ત થયો છે. પ્રોજેક્ટનો કુલ બજેટ 888.56 કરોડ રૂપિયા છે. કંપનીએ જણાવ્યું કે તેની પાસે અંદાજે 65,000 કરોડ રૂપિયાની ઓર્ડર બુક છે.
રેલ વિકાસ નિગમ લિમિટેડ એટલે કે RVNL ને બીજો મોટો ઓર્ડર મળ્યો છે. શેરબજારને આપેલી માહિતી મૂજબ RVNLને મધ્યપ્રદેશ મેટ્રો રેલ કોર્પોરેશન તરફથી ઓર્ડર મળ્યો છે. આ ઓર્ડર 543 કરોડ રૂપિયાનો છે અને કંપનીએ આ ઓર્ડર 1092 દિવસમાં પૂરો કરવાનો છે. તમને જણાવી દઈએ કે છેલ્લા એક વર્ષમાં RVNL ના શેર રોકાણકારોને મલ્ટિબેગર રિટર્ન આપ્યું છે અને સ્ટોક એક વર્ષમાં 264 ટકા વધ્યો છે.
પ્રોજેક્ટની વેલ્યુ 5,43,00,00,000 રૂપિયા
BSE વેબસાઈટ પર ઉપલબ્ધ માહિતી મૂજબ, રેલ વિકાસ નિગમ લિમિટેડને મધ્યપ્રદેશ મેટ્રો રેલ કોર્પોરેશન તરફથી એલિવેટેડ વાયડક્ટ, 5 એલિવેટેડ મેટ્રો સ્ટેશન અને સાંકળો વચ્ચે એક રેમ્પની ડિઝાઇન અને બાંધકામ માટે ઓર્ડર મળ્યો છે. આ ઓર્ડર 1092 દિવસમાં પૂર્ણ કરવાનો છે અને આ પ્રોજેક્ટની વેલ્યુ 5,43,00,00,000 રૂપિયા છે.
RVNL પાસે અંદાજે 65,000 કરોડ રૂપિયાની ઓર્ડર બુક
કંપની માટે આ સતત બીજો ઓર્ડર છે. RVNL ને હિમાચલ પ્રદેશ રાજ્ય વિદ્યુત બોર્ડ તરફથી હિમાચલ પ્રદેશના દક્ષિણ પ્રદેશમાં વિતરણ માળખાના વિકાસ માટે LoA પ્રાપ્ત થયો છે. પ્રોજેક્ટનો કુલ બજેટ 888.56 કરોડ રૂપિયા છે અને તે 24 મહિનામાં પૂર્ણ કરવાનો છે. કંપનીએ જણાવ્યું હતું કે તેની પાસે અંદાજે 65,000 કરોડ રૂપિયાની ઓર્ડર બુક છે.
3 મહિનામાં સ્ટોકનું રિટર્ન 40 ટકા
મલ્ટીબેગર સ્ટોક RVNL એ એક વર્ષમાં 264 ટકા રિટર્ન આપ્યું છે. જો 2 વર્ષની વાત કરીએ તો તેમાં 695 ટકાનો વધારો થયો છે. 3 મહિનામાં સ્ટોકનું રિટર્ન 40 ટકા રહ્યુ છે. આ ઉપરાંત છેલ્લા 6 મહિનામાં તેમાં 55 ટકાનો વધારો જોવા મળ્યો છે. આ વર્ષે અત્યાર સુધીમાં RVNL નો શેર 31 ટકા વધ્યો છે.
આ પણ વાંચો : જો તમારી પાસે 100 શેર હશે તો થઈ જશે 500 શેર, કંપનીએ કરી સ્ટોક સ્પ્લિટની જાહેરાત
સ્ટોકનો 52 સપ્તાહનું હાઈ લેવલ 345.60 રૂપિયા છે અને 52 સપ્તાહનું નીચું લેવલ 60.30 રૂપિયા છે. રેલ વિકાસ નિગમ લિમિટેડનું માર્કેટ કેપ 49,623.48 કરોડ રૂપિયા છે. 7 માર્ચે શેર 0.21 ટકાના વધારા સાથે 238 રૂપિયા પર બંધ થયો હતો.
નોંધ: આ રોકાણની સલાહ નથી. શેરબજાર જોખમોને આધીન છે. કોઈપણ રોકાણ કરતા પહેલા નિષ્ણાતની સલાહ લો.
