Share Market : સારી ખરીદારીના પગલે SENSEX 272 અંક ઉછળ્યો તો NIFTY 14,724 પર બંધ થયો
ભારતીય શેરબજાર(Share Market) આજે તેજી સાથે કારોબાર પૂર્ણ કરવામાં સફળ રહયા હતા. આજે કારોબારના અંતે સેન્સેક્સ 272 પોઇન્ટ ઉપર 48,949 ના સ્તરે પર બંધ રહ્યો હતો.
ભારતીય શેરબજાર(Share Market) આજે તેજી સાથે કારોબાર પૂર્ણ કરવામાં સફળ રહયા હતા. આજે કારોબારના અંતે સેન્સેક્સ 272 પોઇન્ટ ઉપર 48,949 ના સ્તરે પર બંધ રહ્યો હતો. ઇન્ડેક્સમાં 0.56% નો વધારો નોંધાયો છે. બીજી તરફ નિફ્ટી 107 અંક એટલે કે 0.73% વધીને બંધ થયો છે. આજના કારોબાર દરમ્યાન મેટલ, ટેક અને ઓટો શેરોમાં સારી ખરીદીથી બજારને મજબૂતી જાળવી રાખવામાં ટેકો મળ્યો હતો.
ભારતીય શેરબજારની છેલ્લી સ્થિતિ બજાર સૂચકઆંક વધારો સેન્સેક્સ 48,949.76 +272.21 (0.56%) નિફટી 14,724.80 +106.95 (0.73%)
આ અગાઉ બુધવારે સ્થાનિક શેરબજાર વૃદ્ધિ સાથે બંધ થયા હતા. સેન્સેક્સ 424.04 પોઇન્ટ વધીને 48,677.55 પર બંધ થયું હતું તો નિફ્ટી 121.35 પોઇન્ટના વધારા સાથે 14,617.85 પર બંધ રહ્યો હતો.આજે નિફ્ટીમાં ઇન્ડોકો રેમેડીઝ, ઇન્ડિયન એનર્જી એક્સચેંજ, ટાટા સ્ટીલ, મેરીકો, સેરા સેનેટરીવેર જેવી અગ્રણી કંપનીઓના શેર 52 સપ્તાહની ટોચ પર પહોંચ્યા છે.
આજના કારોબારમાં નિફ્ટીએ 14,743.90 સુધી પહોંચ્યો તો સેન્સેક્સ 49,011.31 સુધી ઉપલું સ્તર નોંધાવ્યું હતું. સ્મૉલકેપ અને મિડકેપ શેરોમાં ખરીદારીનું વલણ જોવા મળ્યુ હતું. બીએસઈના મિડકેપ ઈન્ડેક્સ 0.95 ટકા વધીને 20,626.30 ના સ્તર પર બંધ થયા છે જ્યારે બીએસઈના સ્મૉલકેપ ઈન્ડેક્સ 0.59 ટકાની મજબૂતીની સાથે 22,182.26 પર બંધ થયા હતા.
આજના કારોબારમાં આ મુજબ ઉતાર – ચઢાવ નજરે પડયો હતો. SENSEX Open 48,877.78 High 49,011.31 Low 48,614.11
NIFTY Open 14,668.35 High 14,743.90 Low 14,611.50