3 વર્ષમાં પૈસા ડબલ! બજારની સુસ્તી વચ્ચે આ 5 મ્યુચ્યુઅલ ફંડ્સે રોકાણકારોને કર્યા ‘માલામાલ’

પાછલા બે વર્ષમાં શેરબજારની સુસ્તીએ રોકાણકારોને ચોક્કસપણે નિરાશ કર્યા છે પરંતુ લાંબાગાળામાં ઇક્વિટી મ્યુચ્યુઅલ ફંડ્સે સારી કમાણી કરાવી છે. ઇન્ટરનેશનલ ફંડ્સને બાદ કરીને જોઈએ તો, 3 વર્ષનો ટ્રેક રેકોર્ડ ધરાવતા 5 ઇક્વિટી મ્યુચ્યુઅલ ફંડે રોકાણકારોને 100% કે તેથી વધુનું એબ્સોલ્યુટ રિટર્ન આપ્યું છે.

Image Credit source: Getty Images

Ravi Prajapati | Updated on: Jul 17, 2026 | 8:05 PM

પાછલા થોડા સમયથી શેરબજારમાં જોવા મળેલી સુસ્તીને કારણે ઘણા રોકાણકારો નિરાશ થયા છે પરંતુ લાંબાગાળાનું આયોજન કરનારાઓ માટે મ્યુચ્યુઅલ ફંડ્સ કમાણીનો બેસ્ટ વિકલ્પ સાબિત થયા છે.

ખાસ કરીને ઇક્વિટી મ્યુચ્યુઅલ ફંડ્સના શાનદાર ટ્રેક રેકોર્ડ પર નજર કરીએ તો, 5 એવા ફંડ્સ સામે આવ્યા છે જેમણે પાછલા 3 વર્ષમાં રોકાણકારોને 100% કે તેનાથી પણ વધુનું વળતર આપીને પૈસા બમણા કરી દીધા છે.

કયા છે તે 5 Mutual Fund?

HDFC Defence Fund : 174.11% એબ્સોલ્યુટ રિટર્ન
Bandhan Small Cap Fund : 106.00% એબ્સોલ્યુટ રિટર્ન

Quant BFSI Fund : 101.73% એબ્સોલ્યુટ રિટર્ન
LIC MF Infrastructure Fund : 100.24% એબ્સોલ્યુટ રિટર્ન
SBI PSU Fund : 99.12% એબ્સોલ્યુટ રિટર્ન

1 લાખ બની ગયા 2.74 લાખ

ત્રણ વર્ષના પરફોર્મન્સમાં HDFC Defence Fund સૌથી આગળ રહ્યો. આ ફંડે 174.11% નું એબ્સોલ્યુટ રિટર્ન આપ્યું. આનો અર્થ એ થાય છે કે, જો કોઈ રોકાણકારે આમાં 1 લાખ રૂપિયા રોક્યા હોત, તો તેની રકમ વધીને આશરે 2.74 લાખ રૂપિયા થઈ ગઈ હોત. ત્યારબાદ Bandhan Small Cap Fund એ 106% નું રિટર્ન આપ્યું.

તે જ સમયે, Quant BFSI Fund એ 101.73% અને LIC MF Infrastructure Fund એ 100.24% નું રિટર્ન આપીને રોકાણકારોના પૈસા બમણા કરી દીધા. જો કે, SBI PSU Fund એ ત્રણ વર્ષમાં 99.12% નું રિટર્ન આપ્યું.

કયા સેક્ટર્સે રોકાણકારોને સૌથી વધુ ફાયદો કરાવ્યો?

પાછલા ત્રણ વર્ષના રિટર્ન પર નજર કરીએ તો, ડિફેન્સ, ઇન્ફ્રાસ્ટ્રક્ચર, BFSI (બેંકિંગ, ફાઇનાન્સિયલ સર્વિસીસ એન્ડ ઇન્શ્યોરન્સ), સ્મોલકેપ, PSU અને હેલ્થકેર જેવા સેક્ટર્સ સાથે જોડાયેલા મ્યુચ્યુઅલ ફંડ્સે રોકાણકારોને સૌથી સારું રિટર્ન આપ્યું છે. આ સેક્ટર્સમાં રોકાણ કરનારા ઘણા ફંડ્સે રોકાણકારોના ઇન્વેસ્ટમેન્ટને બમણું કે તેનાથી પણ વધુ વધાર્યું છે.

શું માત્ર જૂના રિટર્નના આધારે રોકાણ કરવું યોગ્ય છે?

એક્સપર્ટ્સનું માનવું છે કે, કોઈપણ મ્યુચ્યુઅલ ફંડમાં માત્ર તેના પાછલા પરફોર્મન્સને જોઈને રોકાણનો નિર્ણય ન લેવો જોઈએ. બજારની પરિસ્થિતિઓ સમય સાથે બદલાતી રહે છે અને જે સેક્ટર આજે સારું પરફોર્મ કરી રહ્યું છે, તે જરૂરી નથી કે ભવિષ્યમાં પણ એ જ ઝડપ જાળવી રાખે.

રોકાણ કરતા પહેલા આ બાબતોનું ધ્યાન રાખો

રોકાણનો નિર્ણય હંમેશા પોતાના ફાઇનાન્સિયલ ગોલ (નાણાકીય લક્ષ્ય), જોખમ ઉઠાવવાની ક્ષમતા અને ઇન્વેસ્ટમેન્ટ પિરિયડ (રોકાણના સમયગાળા) ને ધ્યાનમાં રાખીને લેવો જોઈએ.

એ યાદ રાખવું જરૂરી છે કે, કોઈપણ ફંડનું પાછલું પરફોર્મન્સ ભવિષ્યમાં એ જ પ્રકારના રિટર્નની ગેરંટી આપતું નથી. તેથી માત્ર જૂના રિટર્ન જોઈને રોકાણ કરવાને બદલે વિચારી-સમજીને અને જરૂર પડે તો ફાઇનાન્સિયલ એક્સપર્ટની સલાહ લઈને જ રોકાણ કરો.