Medi Assist Healthcare IPO ખુલ્યો, જાણો GMP સહીત અગત્યની માહિતી

ઈન્સ્યોરન્સ ટેક કંપની Medi Assist Healthcare IPOઓ આજે સોમવાર 15 જાન્યુઆરીથી સબસ્ક્રિપ્શન માટે ખુલવા જઈ રહ્યો છે. કંપની વીમા કંપનીઓ માટે થર્ડ પાર્ટી એડમિનિસ્ટ્રેશન સર્વિસ પ્રોવાઈડર પ્રદાન કરે છે. બજારમાં લિસ્ટ થનારી તે પ્રથમ TPA હશે.

IPO માર્કેટમાં મોટાભાગના મુદ્દાઓને રોકાણકારો તરફથી સારો પ્રતિસાદ મળી રહ્યો છે અને Medi Assist પણ વધુ સારા સબ્સ્ક્રિપ્શનની અપેક્ષા રાખે છે. જો તમે પણ ઈશ્યુમાં રોકાણ કરવા ઈચ્છો છો તો તેની સાથે જોડાયેલી ખાસ વાતો જાણો…

ઈશ્યુ સાથે જોડાયેલી ખાસ બાબતો શું છે?

મેડી આસિસ્ટ હેલ્થકેરનો ઈશ્યુ આજથી સબસ્ક્રિપ્શન માટે ખુલશે. રોકાણકારો 17 જાન્યુઆરી સુધી ઇશ્યૂમાં નાણાંનું રોકાણ કરી શકે છે. કંપનીએ ઇશ્યૂ માટે પ્રાઇસ બેન્ડ રૂ. 397-418 રાખી છે. આ પ્રથમ વીમા TPA હશે જે લિસ્ટિંગ માટે બજારમાં પ્રવેશી રહી છે.

રોકાણકારો ઇશ્યૂમાં ઓછામાં ઓછા 35 શેર માટે બિડ કરી શકે છે અને ત્યારબાદ 35ના ગુણાંકમાં બિડિંગ કરી શકાય છે. એટલે કે પ્રાઇસ બેન્ડના ઉપલા સ્તર પર ઓછામાં ઓછી 14630 રૂપિયાની બોલી લગાવી શકાય છે. 35 ટકા ઇશ્યૂ રિટેલ રોકાણકારો માટે આરક્ષિત છે.

ગ્રે માર્કેટના સંકેતો શું છે?

ગ્રે માર્કેટના સંકેતો અનુસાર હાલમાં રોકાણકારોને શેરના લિસ્ટિંગ પર નફો થવાની અપેક્ષા છે, જોકે આ લિસ્ટિંગ ગેઇન મર્યાદિત રહેશે. મીડિયા રિપોર્ટ અનુસાર, હાલમાં ગ્રે માર્કેટ પ્રીમિયમ રૂ. 32 છે, જેનો અર્થ એ થાય કે રોકાણકારો સ્ટોક 7.6 ટકાના પ્રીમિયમ પર લિસ્ટેડ થવાની અપેક્ષા રાખે છે. ધ્યાનમાં રાખવા જેવી બાબત એ છે કે ગ્રે માર્કેટ પ્રીમિયમમાં ઝડપી ફેરફારો જોવા મળી શકે છે. આ સાથે બજાર ઇશ્યુની દિશા જુએ છે. અને સંકેતો અનુસાર, હાલમાં રોકાણકારોને લિસ્ટિંગમાં કોઈ બમ્પર નફો દેખાતો નથી.

ઈશ્યુ લગતી મહત્વની તારીખો કઈ છે?

ઈશ્યુ 17 જાન્યુઆરીએ બંધ થશે. એવી ધારણા છે કે 18 જાન્યુઆરીએ શેરની ફાળવણીને અંતિમ સ્વરૂપ આપવામાં આવશે. આ શેર 22 જાન્યુઆરીએ માર્કેટમાં લિસ્ટ થઈ શકે છે. શેરનું લિસ્ટિંગ BSE અને NSE બંને પર થશે.

આ પણ વાંચો : Stock Watch : આ સપ્તાહે કોર્પોરેટ જગતમાં મોટી હલચલ જોવા મળશે, સ્ટોક વોચલિસ્ટમાં રાખજો આ શેર જે ફાયદો કરાવી શકે છે