ભારત સરકારે સ્થાનિક કંપનીઓના હિતમાં મોટું પગલું ભર્યું, હવે ચીનથી આયાત થતી દવા પર એન્ટી ડમ્પિંગ ડ્યુટી લાગશે
ડાયરેક્ટોરેટ જનરલ ઓફ ટ્રેડ રેમેડીઝ (DGTR) એ તેની તપાસમાં જાણવા મળ્યું છે કે ચીનથી આ દવા ડમ્પિંગ કિંમતે ભારત મોકલવામાં આવે છે જે સ્થાનિક ઉદ્યોગને અસર કરે છે.
સ્થાનિક કંપનીઓને નુકસાન પહોંચાડવાની ચીની કંપનીઓની યોજના સામે નરેન્દ્ર મોદી સરકારે(PM Narendra Modi Government) કાર્યવાહી કરી છે. વાણિજ્ય મંત્રાલયે ચીની બનાવટની દવા ઓફલોક્સાસીન પર પાંચ વર્ષ માટે એન્ટી ડમ્પિંગ ડ્યુટી લાદવાની ભલામણ કરી છે. આ દવાનો ઉપયોગ વિવિધ ચેપની સારવાર માટે થાય છે. સ્થાનિક કંપનીઓએ આ મામલે ડમ્પિંગની ફરિયાદ કરી હતી, જેના પર સરકારે કાર્યવાહી કરી છે. માનવામાં આવે છે કે આ પગલાથી સ્થાનિક ફાર્મા ઉદ્યોગને ફાયદો થશે. ડ્યુટી અંગે અંતિમ નિર્ણય નાણા મંત્રાલય લેશે.
કેમ લેવામાં આવ્યો નિર્ણય
ડાયરેક્ટોરેટ જનરલ ઓફ ટ્રેડ રેમેડીઝ (DGTR) એ તેની તપાસમાં જાણવા મળ્યું છે કે ચીનથી આ દવા ડમ્પિંગ કિંમતે ભારત મોકલવામાં આવે છે જે સ્થાનિક ઉદ્યોગને અસર કરે છે. ડિરેક્ટોરેટે એક નોટિફિકેશનમાં જણાવ્યું હતું કે ઓથોરિટી આ પ્રોડક્ટ પર પાંચ વર્ષના સમયગાળા માટે એન્ટિ-ડમ્પિંગ ડ્યૂટી લાદવાની ભલામણ કરે છે. આ કેસમાં આરતી ડ્રગ્સ લિમિટેડે ચીન દ્વારા ડમ્પિંગ કિંમતે દવા મોકલવાની ફરિયાદ કરી હતી અને તપાસની માંગણી કરી હતી, ત્યારબાદ DGTRએ આ મામલે તપાસ હાથ ધરી હતી. તપાસમાં સ્થાનિક ઉદ્યોગના આરોપો સાચા હોવાનું જણાયું હતું અને વાણિજ્ય મંત્રાલયે દવા પર એન્ટિ-ડમ્પિંગ ડ્યુટી લાદવાનું કહ્યું હતું. આ દવાનો ઉપયોગ બ્રોન્કાઇટિસ, ન્યુમોનિયા, ચામડીના ચેપ સહિત અન્ય ઘણા ચેપની સારવારમાં થાય છે. દવા પરની ડ્યુટી પ્રતિ કિગ્રા 0.53 થી 7 ડોલર પ્રતિ કિલો સુધી લાદવાની ભલામણ કરવામાં આવી છે.
ડમ્પિંગ શું છે?
ડમ્પિંગ એ અન્ય દેશના ઉદ્યોગને સ્પર્ધામાંથી બહાર કરીને દેશના સ્થાનિક બજારને નિયંત્રિત કરવાની એક પદ્ધતિ છે. વાસ્તવમાં ચીન જેવા દેશો બીજા દેશમાં ખૂબ જ સસ્તા દરે ઉત્પાદન મોકલે છે જેને ડમ્પિંગ કહેવામાં આવે છે કારણ કે શરૂઆતમાં માંગ અને નફો જોવા મળતો નથી. સ્થાનિક કંપનીઓ આ દરો અને ઊંચા પુરવઠાને સંતુલિત કરવામાં અસમર્થ છે અને તેઓ બજારમાંથી બહાર નીકળી જાય છે. એકવાર વિદેશી કંપનીઓ બીજા દેશના બજાર પર કબજો મેળવે છે તેઓ તેમની કિંમતો વધારીને અને પુરવઠાને મર્યાદિત કરીને મોટો નફો કમાય છે. આનો સામનો કરવા માટે સરકારો આ ઉત્પાદનો પર એન્ટિ-ડમ્પિંગ ડ્યુટી લાદે છે જેના કારણે બજારમાં કિંમતો યોગ્ય સ્તરે આવે છે અને વધુ સારી પ્રોડક્ટને બજારમાં રહેવાની તક મળે છે.