EPFO : આ પોર્ટલ ઉપર પેન્શનની સ્થિતિ જાણી શકાશે! અનુસરો આ સરળ સ્ટેપ્સ
દરેક EPFO ખાતાધારક 60 વર્ષની ઉંમર પછી નિવૃત્ત થાય છે ત્યારે તેને EPFO દ્વારા 12 નંબરનો પેન્શન પેમેન્ટ ઓર્ડર (PPO) આપવામાં આવે છે. આ એક યુનિક નંબર છે જે દરેક કર્મચારી માટે અલગ છે.
દરેક પગારદાર વ્યક્તિના પગારનો એક ભાગ કર્મચારી ભવિષ્ય નિધિ સંગઠન(Employees Provident Fund Organization)ના ખાતામાં જમા કરવામાં આવે છે. આવી સ્થિતિમાં જ્યારે લોકો 60 વર્ષની વય પસાર કરે છે ત્યારે તેઓ EPFO ખાતામાં જમા પૈસા ઉપાડી શકે છે. જો તમે ઇચ્છો તો તમે EPFO પેન્શન સ્કીમ(Pension Scheme) પણ મેળવી શકો છો. જો તમે પણ પીએફ(PF)ની પેન્શન સુવિધાનો લાભ લેવા માગો છો, તો તેના માટે તમારી પેન્શન(Pension)ની સ્થિતિ તપાસવી ખૂબ જ જરૂરી છે.તમને PPO નંબર અપાય છે.આ PPO નંબર દ્વારા તમે સરળતાથી તમારા પેન્શનની સ્થિતિ ચકાસી શકો છો
દરેક કર્મચારીને PPO નંબર મળે છે
તમને જણાવી દઈએ કે જ્યારે દરેક EPFO ખાતાધારક 60 વર્ષની ઉંમર પછી નિવૃત્ત થાય છે ત્યારે તેને EPFO દ્વારા 12 નંબરનો પેન્શન પેમેન્ટ ઓર્ડર (PPO) આપવામાં આવે છે. આ એક યુનિક નંબર છે જે દરેક કર્મચારી માટે અલગ છે. આ નંબર ફક્ત તે લોકો માટે ઉપલબ્ધ છે જેઓ EPFOની પેન્શન યોજનાનો લાભ મેળવવા માંગે છે. આ PPO નંબર દ્વારા તમે સરળતાથી તમારા પેન્શનની સ્થિતિ ચકાસી શકો છો. જો તમને તમારો PPO નંબર યાદ નથી તો અમે તમને PPO નંબર જાણવા માટેની સરળ પ્રક્રિયા જણાવવા જઈ રહ્યા છીએ.
PPO નંબર કેવી રીતે જાણી શકાય
- જો તમે EPFO નો PPO નંબર જાણવા માગો છો, તો તેના માટે પહેલા EPFO ની ઓફિશિયલ વેબસાઈટ www.epfindia.gov.in પર જાઓ.
- હવે પેન્શન પોર્ટલ પસંદ કરો અને Know Your PPO નંબર પર ક્લિક કરો.
- આ પછી તમારી જમણી બાજુએ એક વિકલ્પ દેખાશે જેમાં તમારો પીએફ નંબર અને બેંક વિગતો ભરવાની રહેશે.
- સબમિટ બટન દબાવો. તમને PPO નંબરમાં પેન્શન મેમ્બર ID મળશે.
- આ નંબર દ્વારા તમે તમારા પેન્શનનું સ્ટેટસ ચેક કરી શકો છો.
પેન્શનની સ્થિતિ તપાસવાની પ્રક્રિયા
- આ માટે તમે EPFOની સત્તાવાર વેબસાઇટ www.epfindia.gov.in પર પણ ક્લિક કરો.
- આગળ પેન્શન પોર્ટલ પર ક્લિક કરો.
- હવે તમને જમણી બાજુએ પેન્શન સ્ટેટસ ચેક કરવાનો વિકલ્પ દેખાશે તેના પર ક્લિક કરો.
- ઓફિસ આઈડી અને પીપીઓ નંબર દાખલ કરો અને GET STATUS વિકલ્પ પર ક્લિક કરો.
- હવે તમને તમારી પેન્શનની સ્થિતિ દેખાશે
Latest News Updates
