Patanjali Ayurveda : એક સમયે ગંગાઘાટ પર મફતમાં વહેચાતી દંત કાંતી, આજે કરોડોની બ્રાન્ડ બની ગઈ, જાણો
Patanjali Dant Kanti Toothpaste : આજે, પતંજલિની દંત કાંતિ ટૂથપેસ્ટ, જે લગભગ દરેક ઘરમાં જાણીતી બની ગઈ છે, તેની બ્રાન્ડ વેલ્યુ કરોડો રૂપિયાની માનવામાં આવે છે, પરંતુ એક સમય હતો જ્યારે તે ગંગા કિનારે ઘાટ પર આવતા લોકોને મફતમાં વહેંચવામાં આવતી હતી. જાણો દંત કાંતિની પ્રગતિની ખૂબ જ રસપ્રદ વાત.
બાબા રામદેવ અને આચાર્ય બાલકૃષ્ણ દ્વારા શરૂ કરાયેલી આયુર્વેદિક કંપની, પતંજલિ આયુર્વેદની ટૂથપેસ્ટ, પતંજલિ દંત કાંતિ, આજે ઘર-ઘરમાં લગભગ જાણીતી બની ગઈ છે. તેની બ્રાન્ડ વેલ્યુ અનેક કરોડ રૂપિયા સુધી પહોંચી ગઈ હોવાનું કહેવાય છે. પરંતુ આ ટૂથપેસ્ટની ઉત્પત્તિ પાછળની વાત ખૂબ જ રસપ્રદ છે. આજે કરોડોની કિંમતની બ્રાન્ડ બનવાની મૂળ વાત હરિદ્વારમાં ગંગા કિનારે મફતમાં વિતરણ થવાથી શરૂ થાય છે.
‘પતંજલિ દંત કાંતિ’ ટૂથપેસ્ટ બનતા પહેલા, તે આયુર્વેદિક ટૂથ પાવડરના સ્વરૂપે હતો. આ એક ફોર્મ્યુલા હતી જે આયુર્વેદ અને ભારતના પરંપરાગત જ્ઞાન પર આધારિત હતી જેનો ઉપયોગ ટૂથપેસ્ટ ભારતમાં આવી તે પહેલાં હજારો વર્ષોથી સામાન્ય ઘરોમાં થતો હતો.
આ ટૂથપેસ્ટ બાબા રામદેવના યોગ શિબિરો, રાહત શિબિરો, સ્થાનિક મેળાઓ, અનાથાલયો, વૃદ્ધાશ્રમો અને હરિદ્વારમાં ગંગા કિનારે આવનારા લોકોમાં મફતમાં વિતરણ કરવામાં આવ્યું હતું. લોકો તરફથી સારો પ્રતિસાદ મળ્યા પછી, પતંજલિ આયુર્વેદના નિષ્ણાતોએ તેને ‘દંત કાંતિ’ નામ આપીને બનાવવાનું કામ કર્યું.
ટૂથપેસ્ટથી ‘દાંત કાંતિ’ સુધીની સફર
ટૂથપેસ્ટ અને દંત મંજન બંનેના પોતાના અલગ અલગ ગુણો છે, પરંતુ ટૂથપેસ્ટ ફક્ત દાંત સાફ કરે છે, જ્યારે ભારતીય જ્ઞાન પર આધારિત દંત મંજન દાંતની સમસ્યાઓનું નિરાકરણ લાવે છે. આવી સ્થિતિમાં, પતંજલિના નિષ્ણાતોએ આ બંનેના ગુણધર્મોને મિશ્રિત કરીને ‘દંત કાંતિ’ બનાવી.
વર્ષ 2002 માં, પતંજલિની ટીમ હર્બલ ટૂથપેસ્ટ બનાવવા પર કામ કરી રહી હતી. શરૂઆતમાં, પતંજલિ ગંગા કિનારે મફતમાં જે ટૂથપેસ્ટનું વિતરણ કરતી હતી તેને ટૂથપેસ્ટ બેઝ તરીકે ઉપયોગ કરીને ‘દંત કાંતિ’માં રૂપાંતરિત કરવામાં આવી હતી. પાછળથી, તેના પાયામાં હર્બલ અર્ક અને આવશ્યક તેલ પણ ભેળવવામાં આવ્યા અને લોકોને તે ટૂથપેસ્ટ મળી જેની તેઓ લાંબા સમયથી રાહ જોઈ રહ્યા હતા.
‘દંત કાંતિ’ કરોડોની બ્રાન્ડ બની
તેના આયુર્વેદિક ઘટકો અને ગુણધર્મોને કારણે, ‘પતંજલિ દંત કાંતિ’ ટૂંક સમયમાં સામાન્ય પરિવારોમાં લોકપ્રિય બની ગયું. નાણાકીય વર્ષ 2020-21માં, ફક્ત ‘દંત કાંતિ’ એ પતંજલિને 485 કરોડ રૂપિયાનો નફો આપ્યો. આજે, પતંજલિ દંત કાંતિ કરોડો લોકોના ઘરની ઓળખ છે, એટલું જ નહીં, તેની બ્રાન્ડ વેલ્યુ અનેક કરોડ રૂપિયા સુધી પહોંચી ગઈ છે.
બાબા રામદેવને લગતા તમામ સમાચાર જાણવા માટે આપ અમારા બાબા રામદેવને લગતા ટોપિક કર ક્લિક કરો
