થર્ડ-પાર્ટી વીમો ન લેવાની ભૂલ બની જશે તમારી સૌથી મોટી મુશ્કેલીનું કારણ, જાણો આ રીતે….

થર્ડ-પાર્ટી વીમાને ‘એક્ટ-ઓન્લી વીમો’ તરીકે પણ ઓળખવામાં આવે છે. ભારતમાં કોઈપણ વાહન ચલાવવા માટે કાયદેસર રીતે તેમજ નાણાકીય સુરક્ષા માટે થર્ડ-પાર્ટી વીમો અગત્યનો માનવામાં આવે છે. શું તમે જાણો છો, ફર્સ્ટ, સેકન્ડ અને થર્ડ પાર્ટી શબ્દો શું દર્શાવે છે? વીમામાં, પ્રથમ પક્ષ એ વ્યક્તિ છે જે વીમા પૉલિસી ખરીદે છે, બીજો પક્ષ વીમા કંપની હોય છે, અને ત્રીજા પક્ષ તરીકે એ વ્યક્તિને ગણવામાં આવે છે જેને પ્રથમ પક્ષની ભૂલને કારણે નુકસાન થાય છે.

થર્ડ પાર્ટી વીમાના લાભો

1. કાયદાકીય આવશ્યકતાઓ મોટર વાહન અધિનિયમ હેઠળ, તમારી માલિકીના કોઈપણ વાહન માટે ત્રીજા પાર્ટીનો વીમો ફરજિયાત હોય છે. જો તમે ત્રીજા પાર્ટીનો વીમા વગર વાહન ચલાવો છો તો દંડ પણ થઈ શકે છે.
2. નાણાકીય દબાણથી મુક્તી થર્ડ-પાર્ટી વીમાનો ફાયદો એ છે કે જો તમારી કાર બીજા કોઈ વ્યક્તિની મિલકતને નુકસાન પહોંચાડે છે અથવા વાહન ચલાવતી વખતે અન્ય વ્યક્તિને ઇજા થાય છે, તો વીમા કંપની તેની ભરપાઈ કરે છે. જેથી તમારા પર નાણાકીય દબાણ આવતો નથી.
3. ઓછો ખર્ચ થર્ડ-પાર્ટી વીમા પૉલિસી સામાન્ય રીતે સસ્તા પ્રીમિયમ સાથે મળે છે. આ પૉલિસી ઓછા ખર્ચે હોવાથી લોકો માટે વીમો લેવું સરળ બને છે. જેનાથી કાનૂની જરૂરિયાતો અને નાણાકીય સુરક્ષા બંને સુનિશ્ચિત થાય છે.

કયા સંજોગોમાં પૈસા મળતા નથી?

એક અહેવાલ મુજબ, Arham Secure ના બ્રાન્ચ મેનેજર સુશીલ કુમાર સાથેની વાતચીત દરમિયાન જાણવા મળ્યું છે, કે જો થર્ડ-પાર્ટી વીમો હોય તો પણ કંપની અમુક સંજોગોમાં ચૂકવણી કરવાનો ઇનકાર કરી શકે છે.

• દારૂ પીને વાહન ચલાવવાને કારણે અકસ્માત થાય તો.
• સગીર વયનો બાળક ગાડી ચલાવી રહ્યું હોય તો.
• ડ્રાઇવિંગ લાઇસન્સ વગર વાહન ચલાવતી વખતે અકસ્માત થાય છે તો કંપની પૈસા ચૂકવવાનો ઇનકાર કરી શકે છે.

વીમો લેતી વખતે કઈ ખાતરી રાખવી 

જો તમે થર્ડ-પાર્ટી વીમો લઈ રહ્યા છો, તો તમારે એ પણ ધ્યાન રાખવું ખૂબ જરૂરી છે, કે કઈ પોલિસી તમારા વાહન માટે નુકસાન કરતી નથી, કારણ કે આ પોલિસીનો મુખ્ય હેતુ અકસ્માતમાં સામેલ થર્ડ પાર્ટીને વીમો પૂરું પાડવાનો હોય છે.

શું તમે બ્લૂટૂથ આખો દિવસ ચાલુ રાખો છો ? તો થઈ જાવ સાવધાન, આ રીતે થઈ શકે છે તમારો ફોન હેક… વધુ વાંચવા અહીં ક્લિક કરો