25 પૈસામાં દોડશે 1 કિમી ! આવી રહી છે શાનદાર ઇલેક્ટ્રિક બાઇક, આવતા અઠવાડિયે થશે લોન્ચ

બજારમાં ઇલેક્ટ્રિક વાહનોની માંગ ઝડપથી વધી રહી છે, જેના કારણે ઓટો કંપનીઓ ગ્રાહકોની જરૂરિયાતોને સમજીને સંપૂર્ણ સુવિધાઓથી સજ્જ નવા મોડલ લોન્ચ કરી રહી છે. Okaya EV તેની પ્રીમિયમ બ્રાન્ડ Ferrato હેઠળ આવતા અઠવાડિયે એટલે કે 2 મે 2024ના રોજ ભારતીય બજારમાં નવી ઈલેક્ટ્રિક બાઇક પણ લોન્ચ કરવા જઈ રહી છે. લોન્ચ પહેલા જ કંપનીએ આ ઈલેક્ટ્રિક મોટરસાઈકલના ટોપ-સ્પીડ અને ટોર્ક જેવા ઘણા ખાસ ફીચર્સ અંગે માહિતી આપી છે.

ગ્રાહકો માટે Okaya Disruptorનું બુકિંગ શરૂ કરવામાં આવ્યું છે. આ બાઇકને કંપનીના ઓફલાઇન સ્ટોર્સ અથવા કંપનીની ઓફિશિયલ સાઇટ દ્વારા તમે ઘરે બેઠા પણ બુક કરાવી શકો છો. આ ઈલેક્ટ્રિક બાઇક બુક કરવા માટે તમારે એડવાન્સ પેટે તમારે અમુક રકમ ચૂકવવી પડશે.

Okaya Disruptorની બુકિંગ રકમ

કંપની એક શાનદાર બુકિંગ ઓફર લઈને આવી છે, કંપનીએ પ્રથમ 1000 ગ્રાહકોને માત્ર 500 રૂપિયા ચૂકવીને આ ઇલેક્ટ્રિક બાઇક બુક કરાવવાની સુવિધા આપી રહી છે. 1000 ગ્રાહકો પછી આ બાઇક બુક કરાવવા માટે 2500 રૂપિયાની બુકિંગ રકમ ચૂકવવી પડશે.

Okaya Disruptor બાઇકની રેન્જ

Okaya Disruptor બાઇકની રેન્જ વિશે વાત કરીએ તો, આ ઇલેક્ટ્રિક બાઇકમાં 3.97 kWh LFP બેટરી આપવામાં આવી શકે છે. આ બાઇકની બેટરી ફુલ ચાર્જ થવા પર 129 કિલોમીટર સુધીનું અંતર કાપશે. બીજી એક રસપ્રદ વાત સામે આવી છે, કે આ બાઇક ચલાવવાનો ખર્ચ ઘણો ઓછો છે, આ બાઇક ચલાવવા માટે પ્રતિ કિલોમીટરનો ખર્ચ માત્ર 25 પૈસા આવશે. ટોપ સ્પીડની વાત કરીએ તો કંપનીની ઓફિશિયલ સાઇટ પરથી જાણવા મળ્યું છે કે આ બાઇકની ટોપ સ્પીડ 95 kmph હશે.

ભારતમાં Okaya Disruptor કિંમત

Okayaની આ સ્ટાઇલિશ દેખાતી ઇલેક્ટ્રિક બાઇકની કિંમત હજુ જાહેર કરવામાં આવી નથી. કંપની આ બાઇકની કિંમત 2 મેના રોજ લોન્ચ ઇવેન્ટ દરમિયાન જાહેર કરશે.

આ પણ વાંચો શું બુલેટ પ્રૂફ કાર મેળવવી ખરેખર મુશ્કેલ છે? ખરીદતા પહેલા ક્યાંથી મંજૂરી લેવી જરૂરી છે ? જાણો નિયમ