જો બજાજની CNG બાઈક આજે બુક કરો, તો ક્યારે મળશે ડિલિવરી ? જાણો કેટલો છે વેઇટિંગ પિરિયડ
વિશ્વની પ્રથમ CNG મોટરસાઇકલનો ગ્રાહકોમાં એક અલગ જ ક્રેઝ જોવા મળી રહ્યો છે. તમે 1,000 રૂપિયાની બુકિંગ રકમ ચૂકવીને તમારા નામે બાઇક બુક કરાવી શકો છો. દેશભરમાં બાઇકનું બુકિંગ શરૂ થઇ ગયું છે. ત્યારે આ લેખમાં બાઈકનો વેઇટિંગ પિરિયડ કેટલો છે, તેના વિશે જાણીશું.
વિશ્વની પ્રથમ CNG મોટરસાઇકલ લોન્ચ કરવામાં આવી છે, ડ્યુઅલ ઇંધણ પર ચાલતી આ બાઇકનો ગ્રાહકોમાં એક અલગ જ ક્રેઝ જોવા મળી રહ્યો છે. આ બાઇકને લોન્ચ થયાને માત્ર થોડા દિવસો જ થયા છે અને આ બાઇકનો વેઇટિંગ પિરિયડ ત્રણ મહિના સુધી પહોંચી ગયો છે.
તમે 1,000 રૂપિયાની બુકિંગ રકમ ચૂકવીને તમારા નામે બાઇક બુક કરાવી શકો છો. દેશભરમાં બાઇકનું બુકિંગ શરૂ થઇ ગયું છે. CNG સિલિન્ડરની વાત કરીએ તો કંપનીએ આ બાઈકમાં સીટની નીચે સિલિન્ડર આપ્યું છે.
બજાજ ફ્રીડમ 125 CNG બાઈકનો વેઇટિંગ પિરિયડ
અહેવાલો અનુસાર, કેટલાક શહેરોમાં વેઇટિંગ પિરિયડ એક મહિનાથી ઓછો છે, જેમ કે મુંબઈમાંવેઇટિંગ પિરિયડ 20 થી 30 દિવસનો છે. તો પુણેમાં આ બાઇક માટે વેઇટિંગ પિરિયડ 30 થી 45 દિવસ અને ગુજરાતમાં વેઇટિંગ પિરિયડ 45 દિવસથી ત્રણ મહિના સુધી પહોંચી ગયો છે. બજાજ CNG બાઇકની પ્રથમ ડિલિવરી પુણેમાં પ્રવીણ થોરાટને કરવામાં આવી છે.
બજાજ ફ્રીડમ 125 CNGની કિંમત
આ બજાજ CNG બાઇકના કુલ ત્રણ વેરિઅન્ટ છે, બેઝ ડ્રમ વેરિઅન્ટની કિંમત 95,000 રૂપિયા, ડ્રમ LED વેરિઅન્ટની કિંમત 1.05 લાખ રૂપિયા અને ટોપ ડિસ્ક વેરિઅન્ટની કિંમત 1.10 લાખ રૂપિયા છે. આ તમામ કિંમત એક્સ-શોરૂમ છે.
બજાજ ફ્રીડમ 125 CNG માઇલેજ અને એન્જિનની વિગતો
આ બાઇકમાં 124.5 cc એન્જિન છે, જે 9.3bhpનો પાવર અને 9.7Nmનો ટોર્ક જનરેટ કરે છે. 5 સ્પીડ ગિયરબોક્સવાળી આ બાઇકમાં 2 લીટરની પેટ્રોલ ટેન્ક અને 2 કિલોનું CNG સિલિન્ડર છે. કંપનીનો દાવો છે કે આ બાઇક એક કિલોગ્રામમાં 102 કિલોમીટર અને 2 લીટર પેટ્રોલમાં 130 કિલોમીટર સુધી દોડી શકે છે.
બજાજ CNG બાઇકની વિશેષતા
આ CNG બાઇકમાં LCD ઇન્સ્ટ્રુમેન્ટ કન્સોલ છે, જે સ્માર્ટફોન કનેક્ટિવિટી સાથે આવે છે. આ ડિસ્પ્લે પર બેટરી સ્ટેટસ અને કોલ અને મિસ્ડ કોલ એલર્ટ જેવી માહિતી ઉપલબ્ધ હશે. ગ્રાહકોની સુવિધા માટે બાઇકમાં યુએસબી પોર્ટ આપવામાં આવ્યો છે.
