વડોદરાના વિદ્યાર્થીઓની સર્જનાત્મક્તાનો ઉત્તમ નમૂનો, ભંગારની વસ્તુઓમાંથી બનાવી આકર્ષક કલાકૃતિ

કલાનગરી વડોદરામાં વધુ એક ઉત્તમ કલાનો નમૂનો રજૂ કરવામાં આવ્યો છે. વડોદરાની M.S. યુનિવર્સિટીના વિદ્યાર્થીઓએ ભંગારની વસ્તુઓમાંથી ચરખાની કલાકૃતિ બનાવી છે.

100 કીલો સ્ક્રેપ વુડમાંથી 12 બાય 15 ફુટનો ચરખો બનાવાયો છે. જેની પાછળ 7 વિદ્યાર્થીઓની 70 કલાકની અથાક મહેનત લાગેલી છે. આ સુંદર કલાકૃતિ તૈયાર કરી છે વડોદરાની એમ.એસ.યુનિવર્સિટીના  મહારાજા રણજિતસિંહ ઈન્સ્ટિટ્યૂટ ઑફ ડિઝાઈનિંગના પ્રથમ વર્ષના વિદ્યાર્થીઓએ. હાલ એમ.એસ.યુનિવર્સિટીમાં વસંતોત્સવનુ આયોજન કરવામાં આવ્યું જેની થીમ ગાંધીજીની 150મી જન્મજ્યંતિ આધારીત છે.

આ થીમ આધારીત વિદ્યાર્થીઓએ સ્ક્રેપ વુડમાંથી 12 ફુટ ઉંચો અને 15 ફુટ પહોળો ચરખો બનાવ્યો છે..આ ચરખો બનાવામાં 7 વિદ્યાર્થીઓને 70 કલાકની મહેનત લાગી છે. તો આ સિવાય ગાંધીજીની પ્રતિમાને એકદમ અલગ રીતે રજૂ કરવામાં આવી છે. આ પ્રતિમા નકામા કાગળની પટ્ટીઓમાંથી તૈયાર કરવામાં આવી છે. વિદ્યાર્થીઓનું માનવું છે કે ગાંધીજીને આવી રીતે અનોખી શ્રદ્ધાજંલિ આપવામાં આવી છે. જોકે આ પ્રતિમા અને કલાકૃતિ બનાવવામાં એમ.આર.આઇ.ડીના પ્રોફોસરોની પણ વિદ્યાર્થીઓની સાથે સાથે મહેનત છે. પ્રોફેસર ઠાકુરનું માનવું છે કે સ્વદેશી થીમ આધારીત કલાકૃતિ બનાવીને વિદ્યાર્થીઓમાં સ્વદેશી વિચારનું સિંચન કરવાનો આ નાનકડો પ્રયાસ છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]