Video: ગુસ્સે થયેલી દુલ્હનનો વીડિયો થયો વાયરલ, જુઓ ફૂલહાર પછી તેણે શું કર્યું ?
આ વીડિયોને અત્યાર સુધીમાં 1.9 મિલિયન એટલે કે 19 લાખથી વધુ વ્યૂઝ મળ્યા છે, જ્યારે 1 લાખ 23 હજારથી વધુ લોકોએ વીડિયોને લાઈક પણ કર્યો છે.
આજકાલ લગ્નની સિઝન (Marriage season) ચાલી રહી છે. તેથી તે દરેક માટે ખુશીઓની મોસમ લઈને આવે છે. ખાસ કરીને વર અને કન્યા માટે. તમે જાણતા જ હશો કે વર-કન્યા પોતાના લગ્નમાં કેટલા ખુશ હોય છે, પરંતુ ક્યારેક લગ્નમાં કોઈ વાત પર તેમનો ગુસ્સો પણ જોવા મળે છે. આજકાલ ગુસ્સે થયેલી દુલ્હનનો (Angry Bride) એક વીડિયો સોશિયલ મીડિયા પર ખૂબ જ વાયરલ (Viral Videos) થઈ રહ્યો છે. જેને જોઈને તમે આશ્ચર્યચકિત થઈ જશો અને તમે હસી પડશો. આ વિડિયો જોયા પછી તમને લાગશે કે કદાચ છોકરીને બળજબરીથી લગ્ન કરાવવામાં આવી રહ્યા છે અને તેથી જ તે ગુસ્સે છે. હવે મામલો ગમે તે હોય, પરંતુ લોકો આ વીડિયોને ખૂબ પસંદ કરી રહ્યા છે અને સોશિયલ મીડિયા પર વિવિધ પ્રકારની પ્રતિક્રિયાઓ પણ આપી રહ્યા છે.
જુઓ વીડિયો..
View this post on Instagram
વીડિયોમાં તમે જોઈ શકો છો કે ફુલહાર થઈ ગયા છે, વર-કન્યાના ગળામાં માળા છે, પરંતુ તે પછી ગુસ્સાની અસલી રમત શરૂ થાય છે. વર, કન્યાને મીઠાઈ ખવડાવવાની કોશિશ કરે છે, પરંતુ જેવો તે કન્યાના મોં પાસે રસગુલ્લા લે છે. ગુસ્સામાં કન્યા તેના હાથમાંથી રસગુલ્લા છીનવીને ફેંકી દે છે. આ પછી દુલ્હન વરને પાણી પીવડાવવાની કોશિશ કરે છે, પરંતુ જેવી તે ગ્લાસ વરના મોં પાસે લઈ આવે છે, વરરાજા પાણી પીવાની ના પાડી દે છે. જેનાથી દુલ્હન ફરી એકવાર ગુસ્સે થઈ જાય છે અને ગ્લાસ ફેંકી દે છે. તમે ભાગ્યે જ કોઈ કન્યાને તેના લગ્નમાં આટલો ગુસ્સો કરતી જોઈ હશે.
આ ફની વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર ghantaa નામના ID પર શેર કરવામાં આવ્યો છે અને તેમાં ફની રીતે લખવામાં આવ્યું છે કે, આટલો ગુસ્સો, લગ્ન પછી શું થશે? આ વીડિયોને અત્યાર સુધીમાં 1.9 મિલિયન એટલે કે 19 લાખથી વધુ વ્યૂઝ મળ્યા છે, જ્યારે 1 લાખ 23 હજારથી વધુ લોકોએ વીડિયોને લાઈક પણ કર્યો છે.
લોકોએ વીડિયો જોયા પછી ફની પ્રતિક્રિયાઓ આપી છે. એક યુઝરે લખ્યું છે કે, ‘આવા લગ્ન ક્યાં છે’, જ્યારે અન્ય એક યુઝરે મજાકના સ્વરમાં ટિપ્પણી કરી છે કે, ‘એક્સ સાથે લગ્ન થઈ રહ્યા છે કદાચ’. તેવી જ રીતે અન્ય એક યુઝરે લખ્યું છે કે, ‘તો પછી તમે લગ્ન કેમ કરી રહ્યા છો’.
આ પણ વાંચો: Viral: IASએ લગ્નમાં બચેલા ભોજનની તસ્વીર કરી શેર, લોકોએ કહ્યું આનાથી કેટલાય ભૂખ્યા ગરીબોનું પેટ ભરી શકાત
આ પણ વાંચો: Viral Photo: 99% લોકો આ વર્તુળમાં છુપાયેલો નંબર કહેવામાં નિષ્ફળ ગયા, શું તમે સાચો જવાબ આપી શકશો ?
