ઉત્તર પ્રદેશમાં એક હૃદયદ્રાવક ઘટના સામે આવી છે. અહીં એક સરકારી બસના ડ્રાઈવરને બસ ચલાવતી વખતે હાર્ટ એટેક આવ્યો હતો. બસમાં 40થી વધુ મુસાફરો સવાર હતા. 15-20 નંબરની બસ ખાડામાં પડી હતી. 20 મુસાફરો ઘાયલ થયા હતા પરંતુ તમામ બચી ગયા હતા. દિલ્હી-મેરઠ એક્સપ્રેસ વે પર મસૂરી નજીક ગુરુવારે આ અકસ્માત થયો હતો.

બસ હાઈવે પર રોડની વચ્ચે જઈ રહી હતી ત્યારે ડ્રાઈવરને હાર્ટ એટેક આવ્યો હતો. વિડિયોમાં એક ભયાનક દ્રશ્ય જોઈ શકાય છે કે કેવી રીતે બસ રેલિંગ સાથે અથડાયા બાદ કાબૂ બહાર ગઈ અને ખાઈમાં પડી.

ઉત્તર પ્રદેશ રાજ્ય માર્ગ પરિવહન નિગમ (UPSRTC) એ એક નિવેદનમાં જણાવ્યું હતું કે બસ મેરઠ ડેપોથી નીકળી હતી અને ગાઝિયાબાદના કૌશામ્બી જઈ રહી હતી. આ અકસ્માત ગાઝિયાબાદના નૂરપુર અંડરપાસ વિસ્તારમાં થયો હતો.

યુપી સ્ટેટ ટ્રાન્સપોર્ટે જણાવ્યું હતું કે અકસ્માતમાં ઘાયલ થયેલા મુસાફરોને તાત્કાલિક હોસ્પિટલમાં લઈ જવામાં આવ્યા હતા, અને તેમની સારવારમાં તેમને શક્ય તમામ મદદ પૂરી પાડવામાં આવશે. બસ ડ્રાઇવરને હાર્ટ એટેક આવ્યો હતો, જે બાદ તેણે બસ પરનો કાબૂ ગુમાવ્યો હતો. તેમ છતાં તેણે બસને કાબૂમાં લેવાનો પ્રયાસ કર્યો અને તેને પલટી જતી બચાવી લીધી.

ડ્રાઈવરને હાર્ટ એટેક આવ્યો, મોઢામાંથી ફીણ નીકળી રહ્યુ હતું

આ અકસ્માતમાં ડ્રાઈવરની ઓળખ પ્રદીપ કુમાર તરીકે થઈ છે અને તેના કંડક્ટર સુબોધ કુમારને ગંભીર ઈજા થઈ છે. તેને અન્ય મુસાફરોની સાથે સારવાર માટે હોસ્પિટલમાં દાખલ કરવામાં આવ્યો હતો. અકસ્માત ગુરુવારે સાંજે 4.30 વાગ્યે પ્રકાશમાં આવ્યો, જ્યારે હાઇવે પેટ્રોલિંગ ટીમે બસને જોઈ. તેણે આ અંગે કંટ્રોલ રૂમને જાણ કરી હતી.

હાઈવે પેટ્રોલિંગ ટીમે જણાવ્યું કે અકસ્માતના થોડા સમય બાદ બીજી ટીમ ત્યાં પહોંચી અને ઘાયલોને એમ્બ્યુલન્સમાં હોસ્પિટલ લઈ જવામાં આવ્યા. પેટ્રોલિંગ ટીમે જણાવ્યું હતું કે ડ્રાઈવરને હાર્ટ એટેક આવ્યો હોવાનું જણાય છે. તેના મોઢામાંથી ફિણ નિકળી રહ્યું હતું

પોલીસ આ મામલે તપાસ કરી રહી છે, તે પછીથી બહાર આવશે

અકસ્માતની માહિતી મળતા જ સ્થાનિક પોલીસની ટીમ પણ ઘટનાસ્થળે પહોંચી ગઈ હતી. મેરઠથી ગાઝિયાબાદ જઈ રહેલી બસને મસૂરી પોલીસ સ્ટેશનથી 5-6 કિલોમીટર દૂર અકસ્માત નડ્યો હતો. પોલીસે જણાવ્યું કે અકસ્માત કેવી રીતે થયો તે જાણવામાં આવશે.

તપાસ બાદ મામલો બહાર આવશે. પોલીસે જણાવ્યું કે આ અકસ્માતમાં કોઈનું મોત થયું નથી. કેટલાક મુસાફરો ઘાયલ થયા છે અને તેમની હોસ્પિટલમાં સારવાર ચાલી રહી છે. પોલીસે જણાવ્યું હતું કે ખાઈમાં પડતા પહેલા બસ અન્ય કોઈને ટક્કર મારી હતી કે કેમ તે અંગે હજુ કંઈ જાણી શકાયું નથી.