Surat Video : નિલેશ કુંભાણીએ કોંગ્રેસ પર લગાવ્યા આરોપ, કહ્યું – પાર્ટીએ મારી સાથે ગદ્દારી કરી, ચૂંટણી પ્રચારમાં કાર્યકર્તાએ સહકાર ન આપ્યો

છેલ્લા કેટલાક સમયથી કોંગ્રેસના પૂર્વ નેતા નિલેશ કુંભાણી ચર્ચામાં છે. ત્યારે નિલેશ કુંભાણીએ કોંગ્રેસ પર આરોપ લગાવતા કહ્યું કે કોંગ્રેસે મારી સાથે મોટી ગદ્દારી કરી છે. આ સાથે જ નિલેશ કુંભાણીએ જણાવ્યુ કે ટિકીટ મળી ત્યારથી કોંગ્રેસના કાર્યક્રર્તા અને નેતા સાથ આપતા ન હતા. આ ઉપરાંત જણાવ્યુ કે ડોર ટુ ડોર પ્રચારમાં જઈએ ત્યારે કોઈ સાથે આવતુ ન હોવાનો આરોપ કર્યો છે.

પૂર્વ નિલેશ કુંભાણીએ વધુમાં જણાવ્યુ કે લોકસભાની ચૂંટણીનું મતદાન શાંતિથી થાય તે માટે હુ મીડિયા સમક્ષ આવ્યો ન હતો. નિલેશ કુંભાણીએ કહ્યું કે ઉમેદવારી રદ થયા બાદ હું ગુમ થયો ન હતો. હું અત્યાર સુધી સૌરાષ્ટ્રમાં મારા ઘરે હતો. નિલેશ કુંભાણી તેમના પર લગાવેલા તમામ આરોપો ખોટા હોવાનું જણાવ્યુ છે.