સુરત વીડિયો : એથર ઇન્ડસ્ટ્રીઝ દુર્ઘટનામાં મૃતકઆંક 9 સુધી પહોંચ્યો, હજુ ઘણા કામદાર સારવાર હેઠળ

સુરત : સુરતની સચિન જીઆઈડીસીમાં આવેલી કેમિકલ કંપનીમાં વિસ્ફોટ સાથે આગની ઘટનામાં મૃતકઆંક ચિંતાજનક સ્તર સુધી પહોંચી ગયો છે. દુર્ઘટનામાં ઇજાગ્રસ્તો પૈકી વધુ એક કામદાર મૃત્યુ પામતા મૃતકઆંક 9 સુધી પહોંચ્યો છે.

9 દિવસ અગાઉ સુરતના સચિન જીઆઈડીસીમાં આવેલી કંપનીમાં વિસ્ફોટ સાથે આગ લાગી હતી. વિસ્ફોટ અને ત્યારબાદ લાગેલી આગ એટલઈ વિકરાળ હતી કે 7 કામદારોને શોધતા કલાકોનો સમય લાગ્યો હતો. આ તમામ કમભાગી મૃત્યુ પામ્યા હતા. સારવાર દરમિયાન આ સમયગાળામાં વધુ બે કામદાર અંતિમ શ્વાસ લેતા મૃતકઆંક 9 સુધી પહોંચી ગયો હતો. ઉલ્લેખનીય છે કે 7 મૃતકોની  ઓળખ DNA દ્વારા કરવાની ફરજ પડી હતી.

આ પણ વાંચો : સુરત વીડિયો : એથર ઇન્ડસ્ટ્રીઝ દુર્ઘટનાના મૃતકોની 9 દિવસ બાદ ઓળખ થઈ, DNA રિપોર્ટ બાદ મૃતદેહ પરિવારને સોંપાયા