Surat: અડાજણમાં રાત્રિના સમયે ચાકુની અણીએ 8 લાખની લૂંટ, ટોબેકોના વેપારીને લૂંટી ત્રણ લૂંટારૂ ફરાર
Surat: અડાજણ વિસ્તારમાં રાત્રિના સમયે વેપારી સાથે 8 લાખની લૂંટની ઘટના સામે આવી છે. ટોબેકોના વેપારી તેમના ઘરે જતા હતા તે દરમિયાન બાઈક પર આવેલા ત્રણ ઈસમોએ વેપારીને રોકી તેના પર ચાકુથી હુમલો કર્યો અને 8 લાખની રોકડ લઈ ફરાર થઈ ગયા હતા. ઈજાગ્રસ્ત વેપારીને સારવાર અર્થે ખસેડવામાં આવ્યા છે.
Surat: સુરતના અડાજણ વિસ્તારમાં લૂંટની ઘટના સામે આવી છે રાત્રીના સમયે વેપારી 8 લાખ રૂપિયા લઈને જતો હતો આ દરમ્યાન બાઈક પર આવેલા ત્રણ ઈસમોએ વેપારી પર હુમલો કરીને લૂંટ કરીને ફરાર થઇ ગયા હતા, આ સમગ્ર ઘટનાના CCTV ફૂટેજ પણ સામે આવ્યા છે. તો બીજી તરફ ઈજાગ્રસ્ત વેપારીને સારવાર અર્થે હોસ્પિટલ ખસેડવામાં આવ્યો છે, આ મામલે પોલીસે ગુનો નોંધી તપાસ હાથ ધરી છે
ચાકુની અણીએ 8 લાખની લૂંટ ચલાવી લૂંટારૂ ફરાર
સુરતના અડાજણ વિસ્તારમાં રાત્રિના સમયે લૂંટની ઘટના સામે આવતા ચકચાર મચી જવા પામી હતી, અડાજણ વિસ્તારમાં રાત્રીના સમયે ટોબેકોના વેપારી રવિભાઈ અમરનાણી પાસેથી 8 લાખની લૂંટ ચલાવવામાં આવી છે. વેપારી રાત્રીના સમયે ઘરે જતો હતો તે દરમ્યાન બાઈક પર આવેલા ત્રણ ઈસમોએ વેપારીને રોકીને હુમલો કર્યો હતો અને તેની પાસેથી 8 લાખની રોકડ લૂંટીને ફરાર થઇ ગયા હતા, લુટારુઓના હુમલામાં ઈજાગ્રસ્ત થયેલા વેપારીને સારવાર અર્થે હોસ્પિટલ ખસેડવામાં આવ્યો છે તો બીજી તરફ બનાવની જાણ થતા પોલીસ કાફલો ઘટના સ્થળે પહોચ્યો હતો, આ સમગ્ર મામલે પોલીસે ગુનો નોંધી તપાસ હાથ ધરી છે તો આ સમગ્ર ઘટનાના સીસીટીવી ફૂટેજ પણ સામે આવ્યા છે જેમાં લુંટારૂઓ વેપારી પર હુમલો કરીને લૂંટ કરતા નજરે ચડી રહ્યા છે.
ડીસીપી રાકેશ બારોટે જણાવ્યું હતું કે રાત્રીના સમયે તમાકુના હોલસેલના વેપારી પોતાની બાઈક પર 8 લાખ રૂપિયા લઈને ઘરે જતા હતા, તે દરમ્યાન બાઈક પર ત્રણ જેટલા ઈસમો આવ્યા હતા અને વેપારીને રોકી ઈજા કરી તેઓની પાસેથી રોકડ રૂપિયા લૂંટીને લઇ ગયા છે, આ મામલે તપાસ હાથ ધરવામાં આવી રહી છે.
સુરત સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
