Breaking News : સુરતના સરથાણાની હોટલમાંથી ઝડપાયું કુટણખાણું, વિદેશી યુવતીઓને બોલાવી આરોપીઓ કરાવતા હતા દેહ વ્યાપાર, જુઓ Video

સુરતના સરથાણાની હોટલમાંથી વધુ એક કુટણખાણું ઝડપાયું છે. સુરત પોલીસે બાતમીના આધારે સરથાણાની હોટલમાં સેક્સ રેકેટ ઝડપાયું છે. IUCAWની ટીમે દરોડા દરમિયાન 2 ગ્રાહકોને કઢંગી હાલતમાં ઝડપી પાડ્યા હતા. હોટલના મેનેજર તેમજ યુવતીઓ સપ્લાય કરનારા સહિત 4 પકડાયા છે. હોટલમાંથી 2 થાઈલેન્ડ, 1 યુગાન્ડા અને મુંબઈની 1 યુવતીને મુક્ત કરાવાઈ છે.

મળતી વિગતો અનુસાર સરથાણાના સીતારામ ચોક પાસે આવેલી એક હોટલમાં વિદેશી યુવતીઓને રાખીને દેહ વ્યાપાર કરાવામાં આવતો હતો. કુટણખાાણાની જાણ પોલીસને થતા તાત્કાલિક ધોરણે પોલીસે હોટલમાં દરોડા પાડ્યા હતા.

સરથાણાની હોટેલમાં ઝડપાયું કુટણખાણું

સરથાણામાં આવેલી હોટલમાં પોલીસે દરોડા પાડીને 2 થાઇલેન્ડ, 1 યુગાન્ડા અને મુંબઈની 1 યુવતીને મુક્ત કરાવાઈ છે. વિદેશી યુવતીઓ મારફતે દરરોજ 1 લાખની કમાણી કરાતી હોવાની માહિતી પ્રાપ્ત થઈ છે. પોલીસે યુવતીઓ સપ્લાય કરનારા સહિત 4ની ધરપકડ કરી છે. તેમજ હોટલ માલિક પાસોદરાનો સંદીપ ઉર્ફે સેન્ડી પટેલ વોન્ટેડ જાહેર કર્યો છે.

ઉલ્લેખનીય છે કે સુરતમાંથી આ અગાઉ પણ આ પ્રકારની ઘટના સામે આવી હતી. ત્યારે વધુ એક વખત વિદેશી યુવતીઓ પાસે હોટલમાં દેહ વ્યાપાર કરાવતા હોવાનું સામે આવ્યું છે. આરોપીઓ વિદેશી યુવતીઓ મારફતે દરરોજ 1 લાખની કમાણી કરતા હોવાનું પણ સામે આવ્યું છે. પોલીસે તમામ આરોપીઓની ધરપકડ કરી કડક તપાસ હાથ ધરી છે.