નવસારીને મહાનગર પાલિકાનો દરજ્જો, સાંસદ સી.આર પાટીલે સરકાર તથા PM મોદીનો આભાર માન્યો
ગુજરાતના બજેટમાં નવસારી નગરપાલિકાને મહાનગર પાલિકાનો દરજ્જો આપવાની જાહેરાતને સી.આર.પાટીલે આવકારી છે. પાટીલે ટ્વીટ દ્વારા પોતાની ખુશી વ્યક્ત કરી અને સરકાર તથા PM મોદીનો આભાર માન્યો હતો. મહાનગર પાલિકાનો દરજ્જો મળતા પાટીલે નવસારીના વિકાસને વધુ વેગ મળવાનો આશાવાદ રજૂ કર્યો છે.
ગુજરાતના ઇતિહાસનું સૌથી મોટું બજેટ રજૂ કરવામાં આવ્યું છે. 2024માં 2047ના રોડમેપને દર્શાવતું રૂપિયા 3.32 લાખ કરોડનું બજેટ રજૂ કરવામાં આવ્યું છે. તો શહેરી વિકાસના ભાગરૂપે નાણાપ્રધાને બજેટમાં નવી 7 મહાનગરપાલિકાની જાહેરાત કરી છે. ગુજરાતમાં હવે 15 મહાનગરપાલિકા બનશે. ત્યારે આ 7 મહાનગરપાલિકામાં નવસારીનો પણ સમાવેશ થાય છે.
સમગ્ર નવસારી માટે આજનો દિવસ ઐતિહાસિક દિવસ છે !!!
આજે ગુજરાત રાજ્યનાં બજેટમાં આપણાં રાજ્યનાં નાણામંત્રી શ્રી કનુભાઇ દેસાઇ દ્વારા નવસારી નગરપાલિકાને મહાનગર પાલિકાનો દરજ્જો આપવાની ઘોષણા કરાઇ છે.
નવસારીને મહાનગર પાલિકાનો દરજ્જો મળે એ અંગે અનેકવખત રજૂઆતો કરી હતી, નવસારીને મહાનગર… pic.twitter.com/nRXHqKSPA1
— C R Paatil (@CRPaatil) February 2, 2024
ત્યારે ગુજરાતના બજેટમાં નવસારી નગરપાલિકાને મહાનગર પાલિકાનો દરજ્જો આપવાની જાહેરાતને સી.આર.પાટીલે આવકારી છે. પાટીલે ટ્વીટ દ્વારા પોતાની ખુશી વ્યક્ત કરી અને સરકાર તથા PM મોદીનો આભાર માન્યો હતો. મહાનગર પાલિકાનો દરજ્જો મળતા પાટીલે નવસારીના વિકાસને વધુ વેગ મળવાનો આશાવાદ રજૂ કર્યો છે. સાથે જ નવસારીની સુખાકારીમાં વધારો થવાનો પણ દાવો કર્યો છે.
