Surat Video : છેતરપિંડીનું નવું ગતકડું ! અભિનેતા સલમાન ખાનના ફર્મના નામે પાણીપુરીની કંપની માલિક પાસે 15 કરોડની માગણી, જુઓ Video
ડિજિટલ ટેક્નોલોજીના યુગમાં લોકોને છેતરવા માટે ઠગબાજો અવાનવા ગતકડા અને હથકંડા અજમાવતા હોય છે. સુરતમાં આવા જ એક ઠગબાજનો પર્દાફાશ થયો છે. પાણીપુરી બનાવતી કંપનીના માલિકને બોલીવૂડ એક્ટર સલમાન ખાની પેઢીની લીગલ નોટિસ ઈમેઈલેથી મોકલીને 15 કરોડ રૂપિયાની માગણી કરવામાં આવી હતી.
ડિજિટલ ટેક્નોલોજીના યુગમાં લોકોને છેતરવા માટે ઠગબાજો અવાનવા ગતકડા અને હથકંડા અજમાવતા હોય છે. સુરતમાં આવા જ એક ઠગબાજનો પર્દાફાશ થયો છે. પાણીપુરી બનાવતી કંપનીના માલિકને બોલીવૂડ એક્ટર સલમાન ખાની પેઢીની લીગલ નોટિસ ઈમેઈલેથી મોકલીને 15 કરોડ રૂપિયાની માગણી કરવામાં આવી હતી.
SSR ફર્મના નામે ઈમેલથી નોટિસ મોકલવામાં આવી હતી. નોટિસમાં લખ્યું હતું કે તમે તમારી કંપનીની જાહેરાત માટે અભિનેતા સલમાન ખાનના ફોટાનો ઉપયોગ કર્યો છે. 15 કરોડ કોમ્પ્નસેશન ચુકવી આપવા તેમજ 1.25 લાખ લીગલ ફી ભરો. નોટિસ મળ્યા બાદ પાણીપુરી કંપનીના માલિક ટેન્શનમાં આવ્યા હતા.
આ વાત તેમણે તેમના ટેક્સ કન્સલ્ટન્ટ ભગીરથ કથેલિયાને કહી ત્યારે ટેક્સ કન્સલ્ટન્ટે મધ્યસ્થી કરીને ઉકેલ લાવવાની વાત કરી હતી. મધ્યસ્થી માટે દોઢ કરોડ રૂપિયા આપવાની માગણી કરી હતી. કંપની માલિકે આ દરમિયાન તપાસ કરતા ખબર પડી કે જે મેઈલ આવ્યો છે. તેને સલમાન ખાનની ફોર્મ સાથે કોઈ લેવાદેવા નથી. તેથી દાળમાં કંઈ કાળુ હોવાની શંકા જતા કંપની માલિકે સાઇબર સેલમાં ફરિયાદ નોંધાવી હતી. બાદમાં ખુલાસો થયો કે મધ્યસ્થી કરનાર કન્સલ્ટન્ટનું જ આ કારસ્તાન હતું. પોલીસે આરોપીની ધરપકડ કરવા કવાયત હાથ ધરી છે.
