સૌરાષ્ટ્રમાં ગોંડલ સહિતના માર્કેટ યાર્ડ મગફળી અને કપાસની આવકથી ઉભરાયા

સૌરાષ્ટ્રમાં(Saurashtra)  ગોંડલ (Gondal) સહિતના માર્કેટ યાર્ડ (Market Yard)  મગફળી(Groundnut) અને કપાસની(Cotton)  આવકથી ઉભરાયા છે. આ માર્કેટ યાર્ડમાં કપાસ અને મગફળીની પુષ્કળ પ્રમાણમાં આવક થઈ છે. પરંતુ યોગ્ય ભાવ ન મળતા ખેડૂતોમાં નિરાશા વ્યાપી ગઈ છે.. ખેડૂતો સરકારની નીતિ સામે રોષ વ્યક્ત કરી રહ્યા છે.

ખેડૂતો વ્યથા ઠાલવતા કહે છે કે- ખાતર, બિયારણ સહિતની દરેક વસ્તુમાં ભાવ વધારો ચૂકવવો પડે છે.. પણ ખેડૂતોને અપાતા ભાવમાં કોઈ વધારો થતો નથી. માર્કેટ યાર્ડમાં 80 હજાર ગુણી મગફળીની બંપર આવક થઈ છે..મગફળીની આવક વધતા ભાવમાં મણ દીઠ 100થી 200 રૂપિયાનો ઘટાડો નોંધાયો છે.

ખેડૂતોને મગફળીનો મણ દીઠ 1050થી 1200 રૂપિયા ભાવ મળી રહ્યો છે. જ્યારે 29 હજાર મણ કપાસની આવક થઈ છે.. ખેડૂતોને કપાસનો મણ દીઠ 900થી 1600 રૂપિયા ભાવ મળી રહ્યો છે. જોકે આ ભાવથી ખેડૂતો નિરાશ છે.

ત્યારે માહિતી અનુસાર કપાસની અંગે મગફળીની મબલખ આવક થઇ રહી છે. વરસાદ ઓસરતાં ખેડૂતો પાક લઈને માર્કેટ યાર્ડ આવી રહ્યા છે. તેમજ ભાવ પણ ઠીક મળતા એક તરફ ખેડૂતો નાખુશ જણાઈ રહ્યા છે. વરસાદના કારણે આવકમાં થોડું ઓછું વધતું જોવા મળવાની સંભાવના છે. પરંતુ માહિતી અનુસાર આગામી સમયમાં કપાસમાં પુષ્કળ આવક થવાની આશા પણ વ્યક્ત કરવામાં આવી છે.

આ પણ  વાંચો : ગુજરાતમાં શિયાળાની શરૂઆત, વહેલી સવારે ફૂલગુલાબી ઠંડીનો અનુભવ

આ પણ વાંચો : ગીરસોમનાથ માં ભારે વરસાદના કારણે સ્ટેટ હાઈવે બિસ્માર ,લોકો પરેશાન