દેશ માટે આ વ્યક્તિએ ત્રણ દાયકા પાકિસ્તાની જેલમાં ગુજાર્યા, ઘરવાપસીની સ્ટોરી સાંભળીને તમારી આંખો પણ ભીની થશે, જુઓ VIDEO
એકતરફ જ્યાં કુલદીપ યાદવ પાકિસ્તાનની જેલમાં (pakistani jail) સજા ભોગવી રહ્યા હતા. બીજી તરફ પરિવારજનો તમને જેલમાંથી છોડાવવા માટે ભારતમાં અથાગ મહેનત કરી રહ્યા હતા.
Ahmedabad : આખરે 30 વર્ષ બાદ અમદાવાદમાં રહેતા કુલદીપ યાદવની (Kuldeep yadav) વતન વાપસી થતા પરિવારજનો ખુશ છે, ભલે 30 વર્ષ બાદ પરંતુ ભાઈ વતન પરત તો આવ્યો છે. જો કે એક સમય એવો પણ હતો કે પોતાના ભાઈને છોડાવવા માટે ભાઈ-બહેને ગુજરાતથી લઈને દિલ્લી (Delhi) સુધી દરેક કચેરીના ધક્કા ખાધા હતા. એટલું જ નહીં પીએમથી લઈને રાષ્ટ્રપતિને (President) પણ આજીજી કરી હતી.
પાકિસ્તાનની જેલમાંથી મુક્ત કરવા પરિવારે કર્યા અથાગ પ્રયત્નો
એકતરફ જ્યાં કુલદીપ યાદવ પાકિસ્તાનની જેલમાં (pakistani jail) સજા ભોગવી રહ્યા હતા. બીજી તરફ પરિવારજનો તમને જેલમાંથી છોડાવવા માટે ભારતમાં અથાગ મહેનત કરી રહ્યા હતા.એવી કોઈ કચેરી નહીં હોય જ્યાં કુલદીપ યાદવના ભાઈ-બહેને અરજી નહીં કરી હોય. પોતાના ભાઈને પાકિસ્તાનની જેલમાંથી મુક્ત કરવા રાષ્ટ્રપતિથી લઈને વડાપ્રધાન સુધી અરજી કરી.
કુલદીપ યાદવના બહેનનું કહેવું છે કે એવો કોઈ દિવસ નથી જ્યારે તેમણે પોતાના ભાઈને યાદ ન કર્યા હોય.દુશ્મન દેશની (pakistan) જેલમાં બંધ ભાઈ જલદીમાં જલદી છૂટી જાય તે માટે ભાઈ-બહેન દિવસ રાત પ્રાર્થનાઓ કરતા રહ્યા.ભલે 30 વર્ષ બાદ પણ આખરે ભાઈને પાકિસ્તાનની જેલમાંથી મુક્તિ મળતા બહેન ખૂબ જ રાજી છે.રક્ષાબંધનનો દિવસ તો વીતિ ગયો હતો. પરંતુ જે દિવસે ભાઈ ઘરે પરત ફર્યો, બહેને ભાઈને રાખડી બાંધી અને વીતેલા 32 વર્ષનું હેત બંનેની આંખમાંથી એકસાથે અશ્રુરૂપે સરી પડ્યું.