Rajkot : પોલીસકર્મીએ CPR આપીને બચાવ્યો રાહદારીનો જીવ, સરાહનીય કામગીરીનો Video વાયરલ

લોકોમાં મોટે ભાગે પોલીસનો ખૌફ જોવા મળતો હોય છે અને તે તેમની ગુનાખોરો સામેની કડક કાર્યવાહીના પગલે હોય છે. જો કે પોલીસની કામગીરીનું એક અન્ય પાસુ ગુજરાતના રાજકોટમાં જોવા મળ્યુ છે. પોલીસે એક યુવકનો જીવ બચાવ્યો છે.

રાજકોટના ગોંડલની Dysp ઓફિસમાં ફરજ બજાવતા પોલીસકર્મી જીતુ બારોટે યુવકનો જીવ બચાવી સરાહનીય કામગીરી કરી છે.અજાણ્યો યુવક DySP કચેરી પાસેથી પસાર થતો હતો, તેણે પોલીસ કર્મચારી પાસે અચાનક પાણીની માગ કરી હતી, પરતું પોલીસ કર્મચારી પાણી લઈને આવે તે પહેલા જ યુવક ઢળી પડતા પોલીસકર્મીએ સમય સૂચકતા દાખવી યુવકને CPR આપી તેને જીવ બચાવ્યો છે.

આ પણ વાંચો-Vadodra Old Name : આટલા બધા છે વડોદરાના જુના નામ! આમાંથી તમને કેટલા ખબર છે?

પોલીસ કર્મીએ પમ્પિંગ કર્યા બાદ યુવકને સારવાર અર્થે હોસ્પિટલમાં મોકલ્યો છે. આ સમગ્ર ઘટનાનો વીડિયો પણ ખૂબ વાયરલ થયો છે. શહેરીજનોએ પણ વીડિયો જોઈ પોલીસકર્મીની કામગીરીને બિરદાવી છે.