મોંઘવારીનો ડબલ ડોઝ: ધોરાજીમાં લીંબુના ભાવે ફટકારી ‘સદી’, 100 થી સીધા 300 રૂપિયા પર પહોંચ્યા!

કાળઝાળ ગરમીની અસર હવે સીધી રસોડા પર વર્તાઈ રહી છે. ઉનાળાની શરૂઆતમાં જ શાકભાજી અને ખાસ કરીને લીંબુના ભાવમાં જે રીતે ઉછાળો આવ્યો છે તેનાથી લોકો ત્રાહિમામ્ પોકારી ઉઠ્યા છે.

લીંબુના ભાવમાં ત્રણ ગણો ઉછાળો

ધોરાજી રિટેલ માર્કેટના આંકડા મુજબ, ગત મહિને જે લીંબુ 100 રૂપિયા પ્રતિ કિલો મળતા હતા, તેનો ભાવ હવે 300 રૂપિયા સુધી પહોંચી ગયો છે. લગ્નની મોસમ અને આકરી ગરમીમાં ઠંડા પીણા તેમજ શેરડીના રસમાં લીંબુનો વપરાશ વધ્યો છે, પરંતુ તેની સામે માર્કેટમાં આવક ખૂબ જ ઓછી હોવાથી ભાવ આસમાને પહોંચ્યા છે. વેપારીઓનું માનવું છે કે આગામી દિવસોમાં લીંબુ હજુ પણ મોંઘા થઈ શકે છે.

શાકભાજીના ભાવમાં 30 ટકાનો વધારો

માત્ર લીંબુ જ નહીં, પરંતુ ટામેટાથી લઈને તમામ લીલા શાકભાજીની કિંમતોમાં ગત મહિનાની સરખામણીએ 30 ટકાનો વધારો જોવા મળી રહ્યો છે. ગરમીના કારણે ખેતીમાં પાક બળી રહ્યો છે, જેને લીધે ઉત્પાદન ઘટ્યું છે અને ખેડૂતોને પણ મોટું આર્થિક નુકસાન સહન કરવું પડી રહ્યું છે. બજારમાં પૂરતી આવક ન હોવાના કારણે ગૃહિણીઓનું બજેટ હવે ખોરવાઈ રહ્યું છે.

શું તમારી રાશિ પર પણ છે શનિની પનોતી? જાણો ક્યારે છે શનિ જયંતી અને કેવી રીતે આ 4 કાર્યો કરવાથી ચમકી ઉઠશે તમારું નસીબ!