Gujarati video: વિશાલા સર્કલ પાસે AMTS ની બસ બની બેફામ, વાહનોને લીધા અડફેટે, જુઓ CCTV ફૂટેજનો Viral video

અમદાવાદમાં આજે બપોરના સમયે જુહાપુરા અને ગુપ્તાનગરની વચ્ચે આવેલા વિશાલા સર્કલ પાસે મોટી જાનહાનિ ટળી હતી. બપોરના સમયે AMTSની એક બસે ધડાધડ વાહનોનો અડફેટે લીધા હતા જેના સીસીટીવી ફૂટેજ સામે આવ્યા છે. પ્રાથમિક માહિતી અનુસાર આ અકસ્માતમાં એક બાળકી તેમજ અન્ય એક વ્યક્તિને સારવાર માટે ખસેડવામાં આવ્યા છે. આ ઘટનામાં પોલીસે તપાસ હાથ ધરી છે.

સીસીટીવી ફૂટેજમાં જોવા મળી રહ્યું છે કે વિશાલા સકર્લથી પસાર થતી AMTSની બસ પૂરપાટ ઝડપે આવી હતી અને લોડિંગ ટેમ્પો તેમજ રિક્ષા સહિતના વાહનોનો ઝપેટમાં લીધા હતા. દુર્ઘટના બાદ ઘટનાસ્થળના વીડિયો પણ વાઈરલ થયા છે. જેમાં જોવા મળી રહ્યું છે કે બસની ટક્કર વાગતા ટેમ્પો આડો થઈ ગયો હતો અને ત્યાં ઉભેલી રિક્ષાની છત પણ તૂટી ગઈ હતી. તેમજ પાસે ઉભેલી બે કારને પણ નુકસાન થયું છે.

અમદાવાદના ઓગણજમાં પશુની કનડગતની ઘટના આવી સામે

અમદાવાદના ઓગણજમાંથી એવી ઘટના સામે આવી છે, જેને જોનારા સવાલ પૂછે કે જાનવર કોણ છે? કારણ કે પ્રાણીઓ સાથે એવી પજવણી કરાઈ છે કે, પશુપ્રેમીઓ દ્રવી ઉઠશે. અહીં અસામાજિક તત્વોએ મધરાતે પશુઓની પજવણી કરી હતી. પશુઓની પજવણીનાં દ્રશ્યો સીસીટીવીમાં કેદ થયા છે. ગાય અને ઘોડી જેવા પશુઓની પજવણી કરવામાં આવી હતી.  આ મામલે જમીન માલિકે અનેક વખત પોલીસને ફરિયાદ કરી હોવાનો દાવો કરાયો છે. એટલે સુધી કે, જમીન માલિકે CM, ગૃહ વિભાગ, પોલીસ કમિશનરને પણ રજૂઆત કરી છે.