વર્ષા ઋતુમાં ડાંગના ગિરમાળ ધોધનું સૌદર્ય બન્યુ આકર્ષણનું કેન્દ્ર, લીલીછમ વનરાઈથી ઘેરાયેલા ધોધનો અદ્દભૂત નજારો-જુઓ Video

ગુજરાતનો ડાંગ એક એવો જિલ્લો છે જે જ્યાં કુદરતી સૌદર્ય ઈશ્વરે મન મુકીને વેર્યુ છે. ચોમાસાની ઋતુમાં અહીં આવીને પ્રકૃતિને માણવી તે ખરા અર્થમાં એક અદ્દભૂત લ્હાવો છે. ચારે બાજુ હરિયાળી અને વનરાજી તેમજ પહાડો પરથી વહેતા ઝરણાને જોવા માટે તમારે ક્યાંય ગુજરાત બહાર જવાની જરૂર નથી. ચોમાસાની ઋતુમાં ડુંગરા પરથી વહેતા ધોધ સહેલાણીઓ માટે ખાસ આકર્ષણનું કેન્દ્ર બની રહે છે.

હાલ ડાંગમાં પ્રકૃતિ સોળે કળાએ ખીલી ઉઠી છે. અહીંના કુદરતી સૌદર્યને માણવા માટે પ્રકૃતિ પ્રેમીઓ ખાસ ચોમાસાની આતુરતાથી રાહ જોતા હોય છે. કુદરતી સૌદર્યથી ભરપૂર ડાંગ જિલ્લાનો ગિરમાળ ધોધ હાલ લોકોના આકર્ષણનું કેન્દ્ર બન્યો છે. ચારેબાજુ લીલીછમ વનરાજીથી ઘેરાયેલા ગીરામળ ધોધનો નજારો માણવો એ એક અદ્દભૂત અનુભૂતિ છે.

ગીરા નદી પર અંદાજે 100 મીટરની ઉંચાઈએથી પડતા આ ગીરમાળ ધોધને જોનારા તમામ પ્રવાસીઓ માટે આ એક જીવનભરનું યાદગાર સંભારણુ બની જાય છે. દર ચોમાસામાં આ ધોધને માણવા, નિહાળવા માટે પ્રવાસીઓ મોટી સંખ્યામાં ઉમટી પડે છે. આ ધોધને નિહાળ્યા બાદની આનંદની અનુભૂતિ દરેક પ્રવાસીના ચહેરા પર તાદૃશ્ય જીલાતી જોવા મળે છે. ખાસ તો અહીંના કુદરતી સૌદર્યને માણવા માટે જ પ્રવાસીઓ દૂર દૂરથી અહી આવે છે અને દરેક સહેલાણી અહીંની સુંદરતાને તેમના આંખોરૂપી કેમેરામાં કેદ કરી લે છે અને એક પરમ તત્વની અનુભૂતિ કરે છે.

Dang Video: વરસાદી માહોલમાં ડાંગના લોકપ્રિય નેકલેસ પોઈન્ટનો અદ્દભૂત નજારો સામે આવ્યો