હિંમતનગરની ગમ સ્ટીક ફેક્ટરીમાં આગનો મામલો, ભારે જહેમત બાદ ફાયરે મેળવ્યો કાબૂ

હિંમતનગરના ગાંભોઇ નજીક આવેલી ખાનગી ફેક્ટરીમાં શુક્રવાર સાંજે આગ લાગી હતી. આગની ઘટના એટલી વિકરાળ હતી કે, આગ સમગ્ર ફેક્ટરીમાં પ્રસરી ગઇ હતી અને નજીકમાં આવેલા પેટ્રોલપંપને લઈ સ્થાનિકોમાં ચિંતા વધી ગઇ હતી. આગની ઘટનાને પગલે ત્રણ જેટલી ફાયર ટીમો સ્થળ પર પહોંચી હતી અને આગ પર કાબૂ મેળવવામાં માટે પ્રયાસ શરુ કરવામાં આવ્યો હતો.

આ પણ વાંચો: ‘ના’ કહી હતી છતાંય પાર્ટીએ ટિકિટ આપી, ડો તુષાર ચૌધરીએ કર્યુ મહત્વનું નિવેદન

ગમ સ્ટીક બનાવતી ફેક્ટરીમા આગની ઘટના બની હતી. રાત્રી ભર ફાયરની ટીમોએ આગને બુઝાવવા માટે પ્રયાસો જારી રાખ્યા હતા. આગને કાબૂમાં લેવા માટે ભારે જહેમત ફાયરની ટીમોએ રાતભર ઉઠાવ્યા બાદ વહેલી સવારે સંપૂર્ણ રીતે આગ પર કાબૂ મેળવવામાં સફળતા મળી હતી.

ગુજરાતના તમામ જિલ્લાના સમાચાર વાંચવા માટે અહીં ક્લિક કરો