અમદાવાદમાં દિવાળીના બીજા દિવસે પણ આગની ઘટના યથાવત, કાલુપુરના રેવડી બજારમાં ભીષણ આગ, જુઓ વીડિયો

અમદાવાદના કાલુપુરમાં રેવડી બજારમાં આગ લાગવાનો બનાવ સામે આવ્યો છે. જ્યારે બારેજા પાસે પ્લાસ્ટિકના ગોડાઉનમાં આગ લાગવાનો બનાવ બન્યો હતો. શહેરમાં અન્ય કેટલાક સ્થળે ખુલ્લા પ્લોટમાં આગ લાગવાના બનાવ સામે આવ્યા હતા. તમામ જગ્યા પર ફાયર બ્રિગેડ દ્વારા કામગીરી કરવામાં આવી.

આ પણ વાંચો : ચેતજો.. અમદાવાદની રેસ્ટોરન્ટમાં મસાલા પાપડમાં નીકળ્યો જીવતો વંદો, હેલ્થ વિભાગે મોટા દંડ સાથે કરી કાર્યવાહી

અમદાવાદમાં દિવાળીના બીજા દિવસે પણ આગની ઘટના યથાવત છે. દિવાળીના બીજા દિવસે પણ શહેરમાં આગના કોલ મળી રહયા હોવાનું ફાયર વિભાગે જણાવ્યુ છે. પડતર દિવસે પણ આગ લાગવાની ઘટનાઓ સામે આવતા ફાયર વિભાગ દોડતી થઈ છે. સાંજે છ વાગ્યા બાદ શહેરમાં પાંચથી વધુ સ્થળ પર આગ લાગવાના બનાવ બન્યા હતા. જેમાં કાપડ, હેન્ડલુમ સહિતની ત્રણ દુકાનોમાં આગ લાગી હતી.