છોટાઉદેપુરમાં બનશે ગુજરાતનો સૌપ્રથમ રબર ડેમ, ખેડૂતોની સમસ્યાનો આવશે અંત

છોટાઉદેપુર: બોડેલી તાલુકો રેડ ઝોન વિસ્તાર તરીકે ઓળખાય છે કારણ કે ચોમાસું પૂર્ણ થતા જ જળસ્તર નીચે જતા પાણીની સમસ્યા ખૂબ વિકટ બનતી હોય છે. પરંતુ હવે આ વિસ્તાર ટૂંક સમયમાં ગ્રીન ઝોન ગણાશે. કારણે કે હિરન નદી પર રાજ્યના પ્રથમ રબર ડેમનું નિર્માણ થવા જઈ રહ્યું છે. જે માટે રાજ્ય સરકારે 100 કરોડ ફાળવ્યા છે. 1958માં અહીં આડ ડેમ બનાવ્યો હતો જે બાદ જળસ્તર જળવાયા હતા. પરંતુ રેતી અને કાંપ આવતા મેન્ટેનન્સને અભાવે ડેમના દરવાજા જામ થયા. જોકે હવે રબર ડેમની મંજૂરી મળતા ખેડૂતોએ સરકારનો આભાર માન્યો છે.

હાલ આ ડેમ બનાવવા માટે એજન્સીની નિમણૂક કરી વર્ક ઓર્ડર પણ આપી દેવામાં આવ્યો છે. રાજવાસણા ખાતે હિરણ નદી ઉપર બે ફેઝમાં કામ કરાશે. ચોમાસા દરમિયાન પાણી અને કાંપ કાઢવા માટે રબર ડેમમાંથી હવા કાઢી નાખવામાં આવશે. ચોમાસાના અંતે પાણી સંગ્રહ માટે ફરી હવા ભરવામાં આવશે. આ નવીન ટેકનોલોજીથી પંથકના 60 ગામને પીવાનું અને સિંચાઈનું પાણી મળી રહેશે.

With Input- Maqbul Mansuri- Chhota Udepur

 ગુજરાતના તમામ જિલ્લાના સમાચાર વાંચવા માટે અહીં ક્લિક કરો