બનાસકાંઠા: થરાદમાં રખડતા ઢોરે લીધો વધુ એકનો ભોગ, આખલાની અડફેટે વાહનચાલકનું મોત- વીડિયો

બનાસકાંઠામાં ફરી રખડતી રંઝાડનો આતંક સામે આવ્યો છે. હાઈકોર્ટની રખડતા ઢોર મુદ્દે આટલી ફટકાર છતા પણ જિલ્લા તંત્ર દ્વારા આ અંગે ગંભીરતાથી કોઈ કામગીરી ન થતા નિર્દોષ નાગરિકો તેનો ભોગ બની રહ્યા છે અને મોતને ભેટી રહ્યા છે. થરાદમાં વધુ એક નિર્દોષ નાગરિકનું આખલાની અડફેટે આવતા મોત થયુ છે. થરાદ સાંચોર હાઈવે પર એક્ટિવા ચાલક વ્યક્તિ આખલાની અડફેટે આવ્યા. આખલાએ વાહનચાલકને ટક્કર મારતા તે રોડ પર પટકાયા હતા. આ દરમિયાન પાછળથી આવતુ ટ્રેક્ટર તેમના પર ફરી વળ્યુ હતુ અને ઘટનાસ્થળે જ તેમનું કમકમાટીભર્યુ મોત નિપજ્યુ છે.

આ પણ વાંચો: વર્લ્ડ કપ વિજેતા ઓસ્ટ્રેલિયન ટીમે રિવરફ્રન્ટ, અટલ બ્રિજ અને અક્ષર ક્રુઝની લીધી મુલાકાત, પેટ કમિન્સે ટ્રોફી સાથે કરાવ્યુ ફોટોશુટ

ઘટનાને પગલે પોલીસ ઘટનાસ્થળે પહોંચી હતી. મૃતક વાહનચાલકની રોહિત ઓઝા તરીકે ઓળખ થઈ છે. પોલીસે ટ્રેક્ટર ચાલકની અટકાયત કરી વધુ તપાસ હાથ ધરી છે. જ્યારે મૃતદેહને પોસ્ટમોર્ટમ અર્થે સરકારી હોસ્પિટલે મોકલવાની તજવીજ હાથ ધરી છે.

બનાસકાંઠા સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો