દાહોદ નકલી કચેરી કૌભાંડમાં વધુ 5 આરોપીની ધરપકડ, અત્યાર સુધીમાં કુલ 11 લોકો ઝડપાયા, 18.59 કરોડનું કર્યું હતું કૌભાંડ
દાહોદ નક્લી કચેરી કૌભાંડમાં વધુ 5 આરોપીની ધરપકડ કરવામાં આવી છે. અત્યાર સુધીમાં કુલ 11 આરોપી આ કેસમાં ઝડપાઈ ચુક્યા છે. જેમા 18.59 કરોડનું કૌભાંડ આચરવામાં આવ્યુ છે. SIT એ 400 કર્મચારીઓની મેગા ટીમ કામે લગાડી છે જેમા ઉચ્ચ પોલીસ અધિકારીઓ પણ સામેલ છે.
દાહોદ નકલી કચેરીના અસલી કૌભાંડમાં વધુ 5 આરોપીની ધરપકડ કરાઈ છે.. ધરપકડ કરાયેલા તમામ પ્રાયોજન કચેરીના કર્મચારીઓ છે.. આ સાથે આ કેસમાં અત્યાર સુધી કુલ 11 લોકોની ધરપકડ થઈ છે.. મહત્વનું છે કે, 18.59 કરોડના કૌભાંડની તપાસ માટે SITએ 400 કર્મચારીઓની મહાટીમ કામે લગાડી છે. જેમાં પોલીસ અધિકારી, સરકારી અધિકારી અને કર્મચારીઓનો સમાવેશ થાય છે.
આ પણ વાંચો: દાહોદ : નકલી કચેરીના કેસમાં વધુ એક અધિકારીની સંડોવણી, પોલીસે કાર્યપાલક ઇજનેરની કરી ધરપકડ, જુઓ વીડિયો
આ પહેલા ખુલાસો થયો હતો કે, આરોપીઓએ માત્ર બોગસ કચેરીઓ જ નહીં, પરંતુ કામો પણ કાગળ પર જ દર્શાવ્યા હતા. એટલે કે કાગળ પર કચેરી અને કાગળ પર જ કામ દર્શાવી સરકારને કરોડોનો ચૂનો ચોંપડવામાં આવ્યો. આરોપી સંદીપ રાજપુત અને અબુબકરની મીલીભગતથી કરોડો રૂપિયાની ગ્રાંટ સ્વાહા કરી દેવામાં આવી અને 270માંથી 80 ટકા કામો કાગળ પર દર્શાવીને મંજૂર કરાવ્યા. આરોપી એઝાઝની તપાસમાં પણ એક ડાયરી મળી આવી છે, આ ડાયરીમાં કેટલીક સ્ફોટક વિગતો હોવાનું સૂત્રો જણાવી રહ્યા છે. એઝાઝ પાસેથી પોલીસે 250થી વધુ દસ્તાવેજો જપ્ત કર્યા છે.
Input Credit- Pritesh Panchal- Dahod
દાહોદ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો