મોટું કૌભાંડ… અમદાવાદના આ બિલ્ડરન જમીન છેતરપિંડી કેસમાં ધરપકડ, જુઓ Video

અમદાવાદના પોપ્યુલર બિલ્ડર દશરથ પટેલની જમીન છેતરપિંડીના કેસમાં રાજસ્થાનથી ધરપકડ કરવામાં આવી છે. આ કેસમાં દશરથ પટેલને કોર્ટમાં રજૂ કરવામાં આવતા ન્યાયાધીશે તેમના ચાર દિવસના રિમાન્ડ મંજૂર કર્યા છે, જેના આધારે પોલીસ વધુ તપાસ હાથ ધરશે.

પ્રાથમિક માહિતી અનુસાર, આ કૌભાંડ ગોધાવી ગામની અંદાજે અઢી વીઘા જમીન સાથે સંકળાયેલું છે, જેની કિંમત આશરે 20 થી 21 કરોડ રૂપિયા અંદાજવામાં આવી રહી છે. દશરથ પટેલ અને અન્ય આરોપીઓએ બોગસ વારસાઈ દસ્તાવેજો બનાવીને અને વારસાઈમાં ચેડા કરીને આ કિંમતી જમીન પચાવી પાડી હોવાનો આરોપ છે. તેમણે પોતાનું નામ દસ્તાવેજોમાં દાખલ કર્યું હતું.

આ ગુનો વર્ષ 2022માં બોપલ પોલીસ સ્ટેશનમાં રમણ પટેલ, દશરથ પટેલ અને સરયુદાસ બાવા વિરુદ્ધ નોંધાયો હતો. એલસીબી દ્વારા આ કેસની તપાસ ચાલી રહી છે. દશરથ પટેલની ધરપકડ બાદ આ જમીન કૌભાંડમાં વધુ ઘણા ખુલાસા થવાની શક્યતાઓ છે.