ઉત્તર ગુજરાતમાં ભારે વરસાદની આગાહીને પગલે પાટણમાં NDRFની એક ટીમ પહોંચી
પાટણમાં NDRFના PI સહિત 47 જવાનોની ટીમ તૈનાત કરવામાં આવી છે. NDRFના જવાનો પાટણ, મહેસાણા અને બનાસકાંઠામાં કોઈ વિકટ સ્થિતિમાં રાહત અને બચાવ કામગીરીમાં જોડાશે.
PATAN : ગુજરાત પર શાહીન વાવાઝોડાનું સંકટ તોળાઈ રહ્યું છે.. હવામાન વિભાગે ઉત્તર ગુજરાતમાં અતિભારે વરસાદની આગાહી કરી છે.જેના પગલે પાટણમાં NDRFના PI સહિત 47 જવાનોની ટીમ તૈનાત કરવામાં આવી છે. NDRFના જવાનો પાટણ, મહેસાણા અને બનાસકાંઠામાં કોઈ વિકટ સ્થિતિમાં રાહત અને બચાવ કામગીરીમાં જોડાશે.વડોદરાની બટાલિયન 6 ને પાટણમાં તકેદારીના ભાગરૂપે તૈનાત કરવામાં આવી છે.
હવામાન વિભાગે આગાહી કરી છે કે, આગામી 3 દિવસ એટલે કે 1 ઓક્ટોબર સુધી સૌરાષ્ટ્ર અને કચ્છના વિવિધ વિસ્તારોમાં ભારેથી અતિભારે વરસાદ પડવાની સંભાવના વ્યક્ત કરવામાં આવી રહી છે.
29 સપ્ટેમ્બરે આણંદ, ભરૂચ, અમરેલી, ભાવનગર જિલ્લામાં ભારેથી અતિભારે વરસાદ, બોટાદ, રાજકોટ, જૂનાગઢ, ગીર સોમાનાથમાં બારે વરસાદ, અમદાવાદ, વડોદરા, સુરત, નવસારી, વલસાડના કેટલાક સ્થળે ભારેથી અતિભારે વરસાદ પડવાની આગાહી હવામાન વિભાગે વ્યક્ત કરી છે. જ્યારે ગાંધીનગર, અરવલ્લી, ખેડા, પંચમહાલ, દાહોદ, મહિસાગર, છોટા ઉદેપુર, નર્મદા, ડાંગ, તાપી, સુરેન્દ્રનગર, જામનગર, મોરબી, દ્વારકા અને કચ્છમાં વરસાદ રહેવાની સંભાવના હવામાન વિભાગે વ્યક્ત કરી છે.
30 સપ્ટેમ્બરે જામનગર, પોરબંદર, દ્વારકા અને કચ્છમાં 40થી 60 કિ.મી.ની ઝડપ પવન ફુંકાવવાની સાથે ભારેથી અતિભારે વરસાદ પડવાની આગાહી હવામાન વિભાગે વ્યક્ત કરી છે. જ્યારે આણંદ, ભરૂચ, સુરત, નવસારી, વલસાડ, રાજકોટ, જૂનાગઢ, મોરબી, ગીર સોમનાથ અને દિવ, દમણ, દાદરાનગર હવેલીમાં ભારે વરસાદ વરસવાની આગાહી હવામાન વિભાગે વ્યક્ત કરી છે.