Gujarati NewsVideosAbhishek Bachchan dances to 'Kajra Re' song on the stage of 'India's Got Talent', watch the viral video
અભિષેક બચ્ચને ‘ઈન્ડિયાઝ ગોટ ટેલેન્ટ’ના સ્ટેજ પર ‘કજરા રે’ ગીત પર કર્યો શાનદાર ડાન્સ, જુઓ વાયરલ વિડીયો
અભિષેક બચ્ચને આગ્રા સેન્ટ્રલ જેલમાં વાસ્તવિક ગુનેગારો સાથે શૂટિંગ કર્યું હતુ, જેઓ પણ ફિલ્મનો એક ભાગ છે. સામાજિક કોમેડી ફિલ્મ દસવી એ ગંગા રામ ચૌધરીની કહાની છે, જે એક અભણ, ભ્રષ્ટ અને દિલથી દેશી રાજકારણી છે, જે જેલમાં એક નવા પડકારનો સામનો કરે છે.
અભિષેક બચ્ચન (Abhishek Bacchan) ઘણા સમય બાદ સિલ્વર સ્ક્રીન પર ચમકવા જઇ રહ્યો છે. તાજેતરમાં અભિષેક બચ્ચને સોની ટીવીના જાણીતા ટીવી રિયાલીટી શો ‘ઈન્ડિયાઝ ગોટ ટેલેન્ટ’ (India’s Got Talent) પર તેના કેટલાક સૌથી લોકપ્રિય નંબરો પર ડાન્સ કર્યો હતો. અભિનેતા ટૂંક સમયમાં નેટફ્લિક્સની (Netflix) આગામી ફિલ્મ ‘દસવી’માં જોવા મળશે. બૉલીવુડ એક્ટર અભિષેક બચ્ચન, જે હાલમાં પોતાની આગામી ફિલ્મ દસવીને પ્રમોટ કરી રહ્યો છે. અભિષેક બચ્ચનને ઘણા લાંબા સમય પછી સ્ક્રીન પર ફરીથી જોવા માટે તેના ચાહકો ઉત્સાહિત છે.
સોની ટીવી દ્વારા રજૂ કરાયેલા પ્રોમોમાં, અભિષેક બચ્ચન બંટી ઔર બબલી ફિલ્મના ‘કજરા રે’ સોંગ પર ડાન્સ કરતો જોવા મળ્યો હતો. અભિષેકે પત્ની ઐશ્વર્યા રાયને બદલે શોના જજ કિરણ ખેર સાથે ડાન્સ કર્યો હતો. આ પ્રોમોમાં અભિનેત્રી નિમરત કૌર બંનેને ચીયર અપ કરતી જોઈ શકાય છે.
માત્ર કજરા રે જ નહીં, અભિષેકે દસવી ફિલ્મના તેના લોકપ્રિય ગીત “દસ બહાને” પર પણ શાનદાર ડાન્સ કર્યો હતો. શિલ્પા શેટ્ટી, જે આ ફિલ્મનો એક ભાગ પણ હતી, તેણે જુનિયર બી સાથે હૂક સ્ટેપ પરફોર્મ કર્યું હતું. શિલ્પાએ કેપ્શન સાથે તેના સોશિયલ મીડિયા પર વિડિયો શેર કર્યો હતો અને લખ્યું કે, “હવે અમે અહીં છીએ, હવે અહીં, #દસબહાને છોડકે, #દસવી દેખો હવે 😍”
અભિષેકની આગામી ફિલ્મ દસવીમાં તેને એક રાજકારણી તરીકે દર્શાવવામાં આવ્યો છે. જેણે જેલમાં રહીને તેનું શિક્ષણ લેવાનું નક્કી કર્યું હતું. આ ફિલ્મમાં યામી ગૌતમ પણ છે. તાજેતરમાં આ ફિલ્મ આગ્રા સેન્ટ્રલ જેલમાં દર્શાવવામાં આવી હતી. અભિષેકે જેલમાંથી એક વીડિયો શેર કર્યો અને લખ્યું કે, “એક વચન એ વચન છે!! છેલ્લી રાત્રે મેં એક વર્ષ પહેલાં કરેલી પ્રતિબદ્ધતાને પૂર્ણ કરવામાં સફળ રહ્યો. આગ્રા સેન્ટ્રલ જેલના રક્ષકો અને કેદીઓ માટે અમારી ફિલ્મ #Dasvi નું પ્રથમ સ્ક્રીનીંગ રાખવામાં આવ્યું હતું. અમે અહીં ફિલ્મનું શૂટિંગ કર્યું છે. તેમની પ્રતિક્રિયાઓ એ યાદો છે જે હું જીવનભર યાદ રાખીશ અને જાળવીશ.”
દસવીનું ટ્રેલર જોયા બાદ અમિતાભ બચ્ચને અભિષેકને પોતાનો સાચો ઉત્તરાધિકારી ગણાવ્યો હતો. અભિષેકે એક જાણીતી ટીવી ચેનલને કહ્યું કે, “મેં હંમેશા કહ્યું છે કે હું જે કરું છું તે મારા પરિવારને ગૌરવ અપાવવા માટે કરું છું, તે જાણવા માટે કે તેઓએ માત્ર મારું કામ જોયું જ નથી, પણ તેમાં કરેલા પ્રયત્નોને પણ ઓળખે છે અને તેની પ્રશંસા કરે છે.”
Tea Shelf Life : ચા કેટલા સમય પછી બગડી જાય ? નથી રહેતી પીવાલાયક
