Weird Food Mango Pizza : મેંગો શેક ભૂલી જાઓ…! હવે માર્કેટમાં આવ્યો Mango Pizza, પરંતુ જોઈને જ ભડક્યા લોકો
Mango Pizza : તમે મેંગો શેક તો ઘણો પીધો હશે, પણ શું તમે ક્યારેય મેંગો પીઝા પીધો છે? હા, આજકાલ સોશિયલ મીડિયા પર આવું જ એક વિચિત્ર ફૂડ કોમ્બિનેશન ખૂબ વાયરલ થઈ રહ્યું છે, જેમાં દુકાનદાર કેરી ઉમેરીને પિઝા બનાવતો જોવા મળે છે.
Mango Pizza : દુનિયામાં એવા ઘણા લોકો છે જેઓ ખાવા-પીવાના એટલા શોખીન છે કે તેઓ પોતાની મનપસંદ વસ્તુ ખાવા માટે સેંકડો કિલોમીટરનો પ્રવાસ કરે છે. બીજી બાજુ, કેટલાક લોકો ખોરાકમાં પ્રયોગ કરવાનું પસંદ કરે છે. તેને હંમેશા વિવિધ પ્રકારની અવનવી વાનગીઓ ટ્રાય કરવાનું પસંદ છે. આવી સ્થિતિમાં દુકાનદારો પણ ખાવા-પીવાની સાથે હંમેશા અલગ-અલગ પ્રયોગો કરે છે, જે કેટલાક લોકોને ગમે છે, તો કેટલાક તેને જોઈને નાક અને ભ્રમર ઉચા કરે છે અને કેટલાક લોકો ગુસ્સે થઈ જાય છે. આજકાલ સોશિયલ મીડિયા પર આવી જ અજીબોગરીબ વાનગીનો વીડિયો ખૂબ વાયરલ થઈ રહ્યો છે, જેને જોઈને લોકો ગુસ્સે થઈ ગયા છે.
આ પણ વાંચો : Weird Food : આ હદ થઈ ગઈ ! કેરીનો રસ ઉમેરીને તૈયાર કર્યો ઢોસો, વિચિત્ર ફૂડ કોમ્બો જોઈને લોકો ચોંકી ગયા
દુકાનદારે મેંગો પિઝા બનાવીને બજારમાં ધૂમ મચાવી દીધી છે. તમે મેંગો શેક તો પીધો જ હશે, પણ મેંગો પિઝા ભાગ્યે જ ખાધા હશે. તમે જોયું હશે કે પિઝા બનાવતી કંપનીઓ વિવિધ વસ્તુઓ મિક્સ કરીને પિઝા બનાવે છે અને ગ્રાહકોને લલચાવે છે, પરંતુ આજ સુધી કોઈ કંપનીએ પિઝામાં કેરી મિક્સ કરવાનો પ્રયોગ કર્યો નથી.
તમે જ જુઓ કેવી રીતે દુકાનદારે બનાવ્યો મેંગો પિઝા
View this post on Instagram
વીડિયોમાં તમે જોઈ શકો છો કે કેવી રીતે દુકાનદારે કેરીના નાના-નાના ટુકડા કાપીને પીઝાની ઉપર તે ટુકડાઓ સજાવ્યા છે. તેમને સજાવવાની રીત ગુલાબના ફૂલ જેવી હતી. પછી આ અનોખો પિઝા ગ્રાહકને સર્વ કરવામાં આવ્યો અને ગ્રાહક પણ આ મેંગો પિઝાને ખૂબ રસપૂર્વક ખાતા જોવા મળ્યા. જો કે ગ્રાહકને આ વિચિત્ર પ્રયોગ પિઝા ભાગ્યે જ પસંદ પડી શકે છે, પરંતુ વીડિયો જોનારા લોકોને તે બિલકુલ પસંદ ન આવ્યો.
આ વીડિયોને સોશિયલ મીડિયા પ્લેટફોર્મ ઈન્સ્ટાગ્રામ પર bombayfoodie_tales નામની આઈડીથી શેર કરવામાં આવ્યો છે, જેને 3 લાખ 17 હજારથી વધુ વખત જોવામાં આવ્યો છે, જ્યારે 6 હજારથી વધુ લોકોએ વીડિયોને લાઈક પણ કર્યો છે અને લાઈક- વિવિધ પ્રતિક્રિયાઓ પણ આપવામાં આવી છે. કેટલાક ગુસ્સામાં કહી રહ્યા છે કે ‘તમે શું બકવાસ કર્યો છે’ તો કેટલાક કહી રહ્યા છે કે દુકાનદારે કેરીની વાટ લગાવી દીધી છે.
ટ્રેડિંગ સમાચાર ગુજરાતીમાં વાંચો tv9gujarati.com પર
વાયરલ અને ટ્રેડિંગ વીડિયો સાથે જોડાયેલા તમામ ન્યૂઝ માટે જોડાયેલા રહો…
