Viral Video : હાઈવે પર ગાડીઓ વચ્ચે લેન્ડ થયુ પ્લેન, ખતરનાક અકસ્માતનો વીડિયો થયો વાયરલ
shocking video : પ્લેન સામાન્ય રીતે તેના રનવે પર લેન્ડ થતુ હોય છે. પણ આ વાયરલ વીડિયોમાં જોઈ શકાય છે કે એક પ્લેન હાઈવે પર ગાડીઓ વચ્ચે લેન્ડ થઈ રહ્યુ છે.
દરેક વ્યક્તિ ઈચ્છે છે કે તે જ્યારે પણ ઘરની બહાર નીકળે કે કોઈ પ્રવાશે જાય તો તેની યાત્રા સારી અને સુરક્ષિત રહે. દરેક વ્યક્તિ પોતાના પરિવાર સાથે આનંદ અને સુરક્ષિત રીતે જીવન જીવવા માંગે છે. પણ કેટલીકવાર અકસ્માતને કારણે પ્રિય વ્યકિતઓ હંમેશા માટે દૂર જતા રહે છે અને પરિવાર વેરવિખેર થઈ જાય છે. અકસ્માત નાનો હોય કે મોટો તે માનસિક, આર્થિક અને શારીરિક રીતે નુકશાન કરે જ છે. તેની ડરામણી યાદો અને ઘાવ વ્યક્તિના જીવનમાં હંમેશા રહે જ છે. દુનિયામાં આવા અકસ્માતો રોજ બનતા હોય છે. સોશિયલ મીડિયા પર પણ આવા અકસ્માતોના વીડિયો ખુબ વાયરલ થતા હોય છે. હાલમાં આવા જ એક અકસ્માતનો વીડિયો સોશિયલ મીડિયામાં વાયરલ (Viral Video) થયો છે. એક પ્લેન તેના રનવે પર લેન્ડ થવાની જગ્યાએ એક હાઈવે પર લેન્ડ (Plane Landed On Highway) થઈ જાય છે, જેને કારણે મોટો અકસ્માત થાય છે.
આ વાયરલ વીડિયો અમેરિકાના કેલિફોર્નિયાનો છે. આ વીડિયોમાં જોઈ શકાય છે એક હાઈવે પર વહાનોની અવરજવર વચ્ચે એક નાનુ પ્લેન ઈમરજન્સી લેંડિગ કરી રહ્યુ છે. તેની એક વિંગ હાઈવે પરથી પસાર થતા ટ્રક સાથે અથડાય છે. તે વિંગને ભારે નુકશાન થાય છે. આ પ્લેન હાઈવે સાથે અથડાય છે અને તેમાં આગ લાગે છે. ચારે તરફ આગના કાળા ઘુમાડા જોવા મળે છે. મળતી માહિતી અનુસાર આ અકસ્માતમાં કોઈ જાનહાનિ થઈ નથી. આ ભયાનક અકસ્માતમાં પ્લેનનો પાયલટ અને બીજા યાત્રીઓ સુરક્ષિત બચી જાય છે. ટેકનીકલ ખામીને કારણે આ પ્લેનની લેડિંગ કરાવી પડી હતી. સારી વાત એ છે કે, આ ખતરનાક અકસ્માતમાં કોઈ જાનહાનિ થઈ નથી.
આ રહ્યો એ વાયરલ વીડિયો
A plane dramatically crash lands onto a busy highway in #California and luckily nobody was killed or seriously injured. This looks like something straight out of an action movie. 😨 pic.twitter.com/8y2SrhRUuo
— Mike Baggz (@MikeBaggz) August 10, 2022
આ વીડિયો સોશિયલ મીડિયા પ્લેટફોર્મ ટ્વિટર પર Mike Baggz નામના વ્યક્તિના ટ્વિટર હેન્ડલ પરથી શેર કરવામાં આવ્યો છે. આ વીડિયો જોઈ લોકો ચોંકી ગયા છે. લોકોને એ જ પ્રશ્ન હતો કે આ ખતરનાક અકસ્માતમાંથી પ્લેનનો પાયલટ બચી શક્યો કે કેમ ? આ અકસ્માતના વીડિયોને લોકોએ એકબીજા સાથે ખુબ શેર કર્યો હતો.