3 ઈડિયટ્સ સ્ટાઈલ મફતમાં મિજબાની માણવી પડી મોંઘી, લગ્નમાં ધોવા પડ્યા વાસણ, જૂઓ Video
Viral Video: મધ્યપ્રદેશના એક છોકરાએ લગ્નમાં ફ્રીમાં જમવાનું મળશે એમ માની મિજબાની માણવા ગયો પણ મિજબાની મોંઘી પડી, પકડાઇ ગયો અને વાસણ ધોવા પડ્યા.
શું તમને ફિલ્મ 3 ઈડિયટ્સ યાદ છે ? રેન્ચો, રાજુ અને ફરહાન ત્રણેય કોઈ અજાણ્યા લગ્નમાં જમવા માટે જાય છે અને બાદમાં પકડાઈ જાય છે. જોકે માત્ર ફિલ્મોમાં જ નહીં, લગ્નની સીઝનમાં આવુ અવાર નવાર બનતું હોય છે, હાલમાં એવો જ એક વીડિયો વાયરલ થઇ રહ્યો છે. મધ્યપ્રદેશના એક છોકરાએ આવી જ રીતે લગ્નમાં ફ્રીમાં જમવાનું મળશે એમ માની મિજબાની માણવા ગયો પણ મિજબાની મોંઘી પડી.
લગ્નમાં આમંત્રણ વિના પ્રવેશવું અને ખાવાનું એક વ્યક્તિને એટલું મોંઘું પડ્યું કે ઘરના સભ્યોએ તે વ્યક્તિને મહેમાનોના ખોટા વાસણો ધોવા આપ્યા… જેનો વીડિયો હવે ઈન્ટરનેટ પર ઝડપથી વાયરલ થઈ રહ્યો છે. જેને જોઈને લોકો એકદમ આશ્ચર્યચકિત થઈ ગયા છે અને યુઝર્સ કહે છે કે ભાઈ આવું કોણ કરે છે?
અહીં વીડિયો જુઓ
ग़लती इस लड़के की ही है जो ऐसे भिखारियों के यहाँ खाने चला गया। pic.twitter.com/F8trEf5fWW
— Jaiky Yadav (@JaikyYadav16) December 1, 2022
વીડિયોમાં તમે જોઈ શકો છો કે તે વ્યક્તિ વાસણો ધોતો જોવા મળે છે. આ દરમિયાન છોકરો કહી રહ્યો છે કે તે લગ્નમાં આમંત્રણ મળ્યા વિના આવ્યો હતો અને ખાવા લાગ્યો હતો… છોકરાએ વધુમાં જણાવ્યું કે તે જબલપુરનો રહેવાસી છે અને MBA કરી રહ્યો છે. ભોપાલની કોલેજમાંથી છે. આ વીડિયોના મેકરને એવું કહેતા સાંભળી શકાય છે કે પેરેન્ટ્સ પૈસા નથી મોકલતા, તેથી ફ્રીમાં આવી મિજબાની કરવા આવ્યા છે.
આ વીડિયોને ટ્વિટર પર @AshwiniSahaya નામના એકાઉન્ટ દ્વારા શેર કરવામાં આવ્યો છે. જે સમાચારને હજારો વ્યુઝ અને સેંકડો લાઈક્સ મળ્યા છે અને લોકો કોમેન્ટ કરીને પોતાનો પ્રતિભાવ આપી રહ્યા છે. એક યુઝરે વિડિયો પર કમેન્ટ કરી અને લખ્યું ‘અને ફ્રીમાં ફૂડ એન્જોય કરો..’ જ્યારે બીજા યુઝરે વીડિયો પર કોમેન્ટ કરી અને લખ્યું, ‘અરે, તેણે માત્ર ખાવાનું જ ખાધું છે, તેણે એવો કયો ગુનો કર્યો કે આ રીતે વાસણો ધોઈ નાખ્યા. ‘જાઉં છું.’ અન્ય એક યુઝરે વીડિયો પર કોમેન્ટ કરી અને લખ્યું, ‘માનવતા લોકોની અંદરથી સંપૂર્ણપણે ગાયબ થઈ ગઈ છે.’